Ese Abaheti bwari ubwoko buteye bute?

Nubwo bitagaragara mu mateka y’isi, Abaheti bagize uruhare rukomeye mu mateka yo mu isezerano rya kera, bityo benshi bagiye bakoresha ubu bwoko mu gusuzuma ukuri kwa Biblia. Hashize imyaka myinshi, abanditsi n’abanyamateka nta kintu bazi ku bwoko bw’Abaheti, bityo bagahera aho bavuga ko inkuru y’Abaheti ari inkuru mpimbano “mythology” iri muri Biblia.

Batanga ingingo bavuga ko, kuva nta nyandiko ziberekeyeho ndetse n’umuco wabo n’uko babayeho zibahamya, ubwo ntababayeho. mu kinyejana cya 15 na 16 mbere ya Kristo ariko, hariho inyandiko nyinshi zavumbuwe, guhera mu 1876, zahamije ko Abaheti bari ubwoko bukomeyehave.

Abaheti bagaragara inshuro zigera hafi kuri 50 muri Biblia. Bakomoka kuri Heti, umuhungu wa Canaan , akaba umwuzukuruza wa Nowa, itang 10:15. Batwaraga igice cya Siria n’uburasirazuba bwa Turkia nyuma baza gutsindwa n’Abanyegiputa na Babuloni barahabakura. Ibitabo byAbashuri n’Abanyababuloni bivuga Siria na Israheri “nk’igihugu cy’Abaheti”kandi Yosuwa 1:4 agaragaza igihugu cy’Abaheti nk’igice kimwe kinini mu bigize igihugu cyasezeranijwe Abisraheri.

Abrahamu yabanye n’Abaheti, anabakuraho ubuvumo cyangwa isambu yo gushyinguramo umugore we Sara Itang 23. Esawu umuhungu wa Isaka yarongoye Abahetikazi (Itang 26:34), ndetse na Uriya umwe mu bagabo b’intwari za Dawidi yari umuheti (2 Samweri 11:3). Abaheti kandi bakomeje kubaho na nyuma y’uko Abayuda bavuye bu bunyage I Babuloni (Ezra 9:1). Hatekerezwa ko Abaheti hanyuma baba barivanze n’andi moko bityo izina ryabo rikibagirana.

Abaheti basenganga imana nyinshi, bizeraga ibigirwamana by’amashusho y’ibiri mu kirere, ku butaka, n’ibindi….., ibi bigirwamana kandi byari muri bimwe Imana yarahirije Abisraheri kutazasenga. Hamwe n’andi mahanga y’abapagani kandi, uku gusenga ibigirwamana kwajyanaga n’imirimo yo gusuzuguza Uwiteka aribyo byatumaga Uwiteka abarakarira.

Igihe Uwiteka yahaga Abisraheri igihugu cy’i Canaan, imwe mu mpamvu yabasabye kurimbura abari bagituyemo kwari ukugira ngo banamareho imirimo yo gukiranirwa ngo itazanduza ubwoko bw’Imana (kuva 23:28-33). Imana ntiyashakaga ko ubwoko bwayo bukurikiza ibigirwamana by’abaheti.

[email protected]