Dore uburyo wakoresha uhangana n’ibishuko biganisha ku cyaha

Ku mukirisito, ibishuko ni igikuta kiza kitambika munzira kigamije kuguca intege no kugutandukanya n’Imana. Ubuzima bwuzuyemo ibishuko abakirisito babamo kenshi mu isi. Hari intwari zanesheje kandi hari n’abandi babaye ibigwari. Utitaye igihe gishije ubaye umukirisito ukora umurimo w’Imana mu itorero hari uburyo bw;ingenzi usabwa gukoresha kugirango ubashe kurasana n’ibyaha.

Tugiye kwiga uburyo ushobora kunesha ibishuko wifashishije izi nzira eshanu zikurikira:


1.Menya ikigero ugezemo cyo kuba wagwa mu cyaha

“Ahubwo umuntu wese yoshywa iyo akuruwe n’ibyo ararikiye bimushukashuka. Nuko iryo rari riratwita rikabyara ibyaha, ibyaha na byo bimaze gukura bikabyara urupfu. Ntimukayobe bene Data bakundwa.” (Yakoboko1:14 -16 )

Umuntu ashukwa iyo akuruwe nibyo umubiri we wifuza. Intambwe ya mbere yo kunesha ibishusho ni ukumenya ikigero cyawe uriho cyo kuba wakora icyaha.
Ibishuko byo gukora icyaha bihoraho ahubwo hora witeguye guhangana nabyo.

2. Gerageza guhunga ibishuko

“Nta kigeragezo kibasha kubageraho kitari urusange mu bantu, kandi Imana ni iyo kwizerwa kuko itazabakundira kugeragezwa ibiruta ibyo mushobora, ahubwo hamwe n’ikibagerageza izabacira akanzu, kugira ngo mubone uko mubasha kucyihanganira.” (1 Abakorinto 10:13)

Menyako ibyo uhura nabyo bidatandukanye niby’abandi banyuzemo bakabitsinda. Hari igishuko uzahura nacyo ntibigusabe gusenga, ahubwo igikenewe ugasanga ari ukwiruka ukava aho icyaha cyakorerwa.
Bibiliya itwerekako aho Yozefuyatsindiye muka Potifari ariho Samusoni yakoreye icyaha kuri Delila. Yozefu yabashije kwiruka ava bugufi bwaho byari byoroshye gukora icyaha .
(Intangiro 39:11-13)ariko Samusoni we byaramunaniye kuko yagumye hafi ya Delila, akina n’icyaha.(Abacamanza 14)

3.Rwanya ibishuko wifashishije ijambo ry’Imana

“Kuko ijambo ry’Imana ari rizima, rifite imbaraga kandi rikagira ubugi buruta ubw’inkota zose, rigahinguranya ndetse kugeza ubwo rigabanya ubugingo n’umwuka, rikagabanya ingingo n’umusokōro kandi rikabangukira kugenzura ibyo umutima wibwira ukagambirira.” (Abaheburayo 4:12)

Waba uzi neza ko ugendana intwaro, ishobora gutuma abadayimoni baguhunga? Dusome ijambo ry’Imana, 2 Abakorinto 10:4-5 “kuko intwaro z’intambara yacu atari iz’abantu, ahubwo imbere y’Imana zigira imbaraga zo gusenya ibihome no kubikubita hasi. Dukubita hasi impaka n’ikintu cyose kishyiriye hejuru kurwanya kumenya Imana, dufata mpiri ibitekerezwa mu mitima byose ngo tubigomōrere Kristo.”

Yesu yaneshesheje ibishuko bya satani Ijambo ry’Imana ubwo yarari mu butayu. Kubw’uko Yesu yanesheje natwe azadushoboza kunesha ibidushuka. Ni byiza gusoma ijambo ry’Imana rikagwira muri wowe buri munsi. Mu ijambo ry’Imana niho dukura inama zuzuye n’umwifato ukwiye w’uburyo tugomba kwitwara.

4.Hora werekeje ibitekerezo mu buryo bwo kuramya Imana

Ni inshuro zingahe wari wageragezwa gukora icyaha mu gihe umutima wawe n’ibitekerezo byawe byuzuye guhimbaza Imana? Nzi neza ko wasubizako bitarakubaho.
Kuramya Imana bituma ubwacu tutihanga amaso ahubwo bifungura amaso yacu tukayerekeza ku Mana.

“Haleluya, Kuko ari byiza kuririmbira Imana yacu ishimwe, Ni ukw’igikundiro kandi gushima kurakwiriye.Uwiteka yongera kūbaka Yerusalemu, Ateranya abimuwe bo mu Bisirayeli.” (Zaburi 147)

[email protected]