Dore impamvu ubwami bw’ijuru bugereranywa nk’izahabu y’igiciro cyinshi.

Mu butumwa bwe hano ku isi, Yesu kristo yagiye akoresha ibintu byinshi agirango asobanure ubwami bw’ijuru,ibyinshi muri byo byibanda ku bwiza butagereranywa n’ubutunzi butabarika bwo mu bwami bw’ijuru.

Yesu Kristo mu butumwa bwe bwo kuzana umuntu ku Mana,yakoresheje ikintu cyoroheje agereranya ubwiza bw’Imana no kubana nayo ko ari iby’igiciro umuntu atabona hano ku isi.Kimwe muri byo yakoresheje mukwerekana uko ubwo bwami bumeze n’izahabu y’igiciro cyinshi:yagize ati:

“Kandi ubwami bwo mu ijuru bugereranywa n’umutunzi ushaka imaragarita nziza,abonye imaragarita imwe y’igiciro cyinshi, aragenda agura ibyo yari atunze byose ngo abone kuyigura.(Matayo13:45-46)

Izahabu y’imaragarita ni ikintu gikomeye kirabagirana, ikunze gusa nk’aho yibumbabumbye ariko igira forme imiterere itandukanye. Ikunwze gukoreshwa mugukora imirimbo y’ubwiza. Izi zahabu ntizikunze kuboneka kandi biragorana kuzibona, zirahenze cyane kandi zigurwa igiciro gihenze.
Yesu na we yagereranyije ubwami bwo mu ijuru nk’iyi zahabu ihenze, icya mbere ntikunze kuboneka, ntihingwa, kandi ntishobora kwiganywa cyangwa guhimbwa.N’ubwo bayigana ntishobora kugira ubwiza nk’ubw’iy’umwimerere.

Ese niki twakigira kuri ibi?

1.Nta kindi kintu gisa n’ubwami bwo mu ijuru.

Yesu Kristo yavuze k’umuntu wagurishije ibye kubera izahabu y’igiciro cyinshi. Uyu muntu igihe yabonaga iyi zahabu y’igiciro, yamenye agaciro kayo kanini maze agurisha ibyo yari atunze byose kugirango ayibone.Yabonyeko ntakindi kintu cyasa nayo.
Ese ubwami bw’ijuru tububona nk’iyi zahabu?ese tuzi ubuzima bw’agaciro bw’iteka twateguriwe n’Imana ? ubwami bw’Imana bukwiye kubonywa nk’ikintu cy’ingenzi kirenze kure ikindi kintu cyose cyo ku isi. Nta kindi kandi nta n’umuntu wasa n’Imana yo mu ijuru.

2.Tugomba kumenya ibidafite agaciro

Uwagurishije ibye byose yari yamenye agaciro ka zahabu.Yamenye agaciro kayo ugereranyije n’iyinyiganano idafite agaciro.Yamenye ubutunzi bw’agaciro k’iyo zahabu ntiyita kuzindi zahabu.

Ese tubasha kuvangura ibyiganywe n’ibidafite agaciro imbere yacu? Ibintu byinshi bigerageza gufata umwanya twagahaye Imana mu buzima bwacu, ariko dukwiye kubifata nk’ibidafite agaciro duhaye umwanya n’icyubahiro Imana.
Hari byinshi duha agaciro mu buzima bwacu, ariko mu by’ukuri bifite agaciro gake kandi biraciriritse kandi bitanga umunezero w’igihe gito:Amafaranga ,imyanya mu kazi, ubuyobozi bwo mu isi, imitungo n’ibindi byinshi ntibifite agaciro nkak’Imana.

3. Dukwiye kwifuza kuva mu by’igihe gito tukajya mu by’iteka

“Maze Yesu abwira abigishwa be ati: Umuntu nashaka kunkurikira yiyange, yikorere umusaraba we ankurikire, kuko ushaka kurengera ubugingo azabubura ariko utita ku bugingo bwe ku bwanjye azabubona.(Matayo16:24-25).
Twumviseko umuntu yagurishishe ibye byose kugirango agure izahabu y’igiciro cyinshi. Abakristo bakwiye kumera gutyo. Ntibakwiye kuba ab’isi n’abijuru ( ngo bakunde iby’isi n’ijuru).

Dukwiye kugira ubushake bwo kuva mu byishimo by’isi birangira tujya mu byishimo by’iteka by’ijuru.
[email protected]