Dore bimwe mu byo wakora ngo wivure indwara 8 zifata impyiko (Igice 2)

Impyiko ni rumwe mu rugingo rw’ibanze ku mubiri w’umuntu, zifite umumaro wo gusukura amaraso ziyavanamo uburozi ndetse zibasha no kuringaniza ingano ya buri kintu gikoze amaraso(nk’imyunyu ngugu,isukari,ibinure ndetse na poroteyine biboneka mu maraso).

5. Indwara ya Néphrite et néphrose: Birangwa no kuribwa n’impyiko bizanwe no kugabanuka kw’abasirikare b’umubiri. Ubibwirwa no kwihagarika inkari nkeya zigiye gusa n’amaraso, kubyimbagana mu maso.

Ishobora gutuma amaraso agenda cyane, bikarangwa n’ibi bikurikira:

• Kuribwa n’umutwe wo mu gatwe k’inyuma mu gitondo
• Guhorana ikizungera
• Injereri zo mu matwi, amatwi agasa n’azibye
• Ibinya kenshi mu mubiri
• Kumva umubiri wiremereye, ubundi ukumva ibisa n’ibijagāta nk’intozi mu mubiri
• Gukenera kwihagarika buri kanya mu gihe cya nijoro
• Gukunda kuva imyuna
• Umunaniro
• Kuremara kw’intoki zigasa n’izipfuye
• Kutareba neza, ukareba ibikezikezi
• Kunanirwa umurimo
• Kuzimiza ibitekerezo
• Kwibagirwa ibintu hafi ya byose

Umuti uvura izi ndwara zombi:

Itunda rya pomme : Ushobora kurya itunda cyangwa ukanywa umutobe wayo.

Umutobe w’umuzabibu (jus de raisin) : Uwo mutobe utunganya amaraso

Inzuzi z’ibihaza : Ibuza uburyane bw’impyiko

Imisatsi y’ibigori : Na yo imara uburibwe bwo mu mpyiko.

6. Indwara ya Pyélo-néphrite : Iyi ndwara ya karindwi y’impyiko iterwa n’imyanda ifata mu kiziba cy’inda ikagera no mu mihore y’impyiko, iba igizwe n’uruhurirane rw’imyanda ruvuye mu ngingo z’impagarike. Ikunda kugaragazwa no guhorana n’indwara y’umuriro no kuribwa mu mpyiko, cyane cyane mu kiziba cy’inda. Umuti uvura iyo ndwara witwa capucine (kapusine). Ni icyatsi gifite imbaraga yo kwica imyanda, kandi gifite n’ubushobozi bwo gutunganya inzira z’impyiko.

Ikoreshwa itya :

• Kurya ibiyiko bitanu by’izo mboga zayo ari mbisi
• Gutogosa indabyo zayo, ukanywa amatasi ane ku munsi
• Amababi n’imbuto za kapusine

7. Indwara ya Infection urinaire : Iyi ndwara igizwe n’ubwandure bufata mu nzira zishinzwe kwihagarika. Iyo myanda ishobora gutuma hasohoka amashyira.

Bimwe mubyo wafata bikakubera umuti

1. Tungulusumu : Ishobora kwirukana imyanda yibumbiye hamwe yo mu mara, no kuboneza inzira zo kwihagarika. Ivura n’indwara y’impyiko yitwa cystite, hamwe na pyélo-néphrite.
Tungulusumu ishobora kuribwa itya :

• Gucagagura uduheke 4 ukavanga mu byo kurya. Urwo rugero ni urw’umuntu mukuru kuva ku myaka 10, n’uduheke 2 ku mwana.
• Gutogotesha akarayi 1 kose muri litiro y’amazi ukanywa ibirahuri 3 bito ku munsi, gatatu mu cyumweru.

2. Urwiri : Iki cyatsi kimara uburyane bwose, bushingiye ku mugongo, mu kiziba cy’inda no mu myanya ndangagitsina. Si ibyo gusa, gikiza no kubyimba ingingo, kuribwa imitsi n’uburyane bufata uduce tumwe na tumwe. Urwiri ruvura indwara zandura zitera umuriro nka grippe, ibicurane, iseru, kubyimba mu muhogo (amashamba, kubyimba mu maraka, ushobora kunanirwa kumira, kubyimba mu ijosi).

Uko umuti w’urwiri utegurwa :

Gutogotesha imizi y’urwiri muri litiro y’amazi (icupa n’igice), waba urembye ukanywa ikirahuri.
1. Mu gitondo, ikindi saa sita, ikindi nimugoroba, ikindi ugiye kuryama, ukabikora gatatu mu cyumweru.

2. Urugero rw’umwana muto ni uko anywa igice cy’ikirahuri (1/2).

8. Indwara Cystite : Iyi ndwara irangwa no kuribwa mu kiziba cy’inda, aharinganiye n’uruhago. Na yo iterwa n’udukoko tw’indwara duturutse inyuma y’umubiri. Ni indwara y’abagore cyane, ni nabo ikunda kubabaza cyane. Mwibuke ko uruhago (vessie) ari agafuka gato kabika amazi avuye mu mpyiko zombi. Gashobora kwihanganira amazi angana n’irobo ry’ikilo.

Imiti y’iyi ndwara ya sisitite :

- Gutogosa umusatsi w’ibigori
- Inzuzi z’ibihaza

Ibyo kunywa bikwiriye umuntu urwaye iyi ndwara. Ibyo kurya byiza kandi bitetse neza, kurya ibyitwa :

• ipapayi
• igitunguru cya puwaro

Dore ibiribwa bikenewe ku Bantu bafite impyiko zikora nabi :

a) Umutonore urakenewe ku Bantu barwaye impyiko zitewe n’isukari nyinshi mu maraso
b) Persile irakenewe ku Bantu bakurikira :

• Babyimba ingingo z’umubiri zimwe na zimwe
• Umutima utera nabi
• Kutihagarika uko bikwiriye
• Impyiko zikora nabi
• Kutaryoherwa, n’amaraso make
• Ukirutse indwara cyangwa uhorana umunaniro
• Imihango y’abakobwa mike itagira gahunda kandi iryana.
Si byiza ko umugore utwite ayikoresha kenshi, agomba kuyikoresha rimwe na rimwe.

c) Seleri irakenewe ku bantu bakurikira :

• Batihagarika neza
• Bafite imyanda mu mihore bakishimagura
• Babyimbye mu ngingo
• Baribwa n’imitsi
• Irakenewe ku barwaye umuriro
• Iyo ivanze na karoti n’inyanya n’indimu ihinduka ikiribwa cyiza cyo kuruhura ubwonko kigatera gucya mu maso.

- Ushobora gusekura ugashyiramo amazi ya litiro 1 ugakamuriramo indimu zikarishye. Ukanywa igice cy’ikirahuri mu gitondo na saa sita.

Mu biremwa byoroheje Uwiteka yashyizemo imbaraga yo kurwanya indwara. Dushobora kubikoresha neza kandi twishingikirije ku Mana, tudahakanye kwizera kwacu, tukunguka amahirwe Imana yatwihereye ibinyujijemo, tukaba dukoranye na yo.
Imana ishobora gukoresha amazi, umucyo w’izuba, ibyatsi yamejeje, maze igakiza indwara muri ubwo buryo, zagiye ziterwa no kwirengagiza amategeko y’ubuzima, cyangwa izazanywe n’impanuka. Dusabye Imana guha imigisha iyo miti ntitwaba tubuze kwizera. Ukwizera nyakuri kuzadutera gushima Imana yo yatwigishije uko twakoresha iyi migisha ikomeye ngo itugarurire imbaraga zo gutekereza n’iz’impagarike. »

[email protected]