Christian union yateguye igiterane cy’imbaturamugabo gisoza igihembwe cy’amasomo.

Chrtistian union ni ihuriro ry’abanyeshuri biga muri kaminuza ya Mount Kenya, iri huriro rigizwe n’abanyeshuri baturutse mu matorero atandukanye yemera Yesu Kristo. Ryatangiye mu mwaka wa 2016, rikaba riyobowe na KAREKEZI David.

Mu bikorwa bitandukanye bakora harimo: gusurana hagati y’abanyamuryango n’indi miryango ya gikristo, gufashanya (abafite ubushobozi bucye), gukora ibitaramo, by’umwihariko buri mpera z’igihembwe bakora igitaramo si ibi gusa batanga inyigisho z’ijambo ry’ Imana rikomeza umukristo murugendo.

Christian union ifite intego yo kwigisha ijambo ry’Imana muri kaminuza no hanze yayo bagamije kuzana abantu kuri Yesu. No kongera ububyutse.

Kuri uyu wa gatatu tariki 7 Kamena 2019, Ihuriro ry’abakristo (Christian union) babarizwa muri kaminuza ya Mount Kenya, babateguriye igiterane gisoza igihembwe cy’amasomo (semester). Kizabera muri sallle ya Mount Kenya guhera saa saba n’igice (13:30 PM) kugeza saa kumi n’ebyiri z’umugoroba (18:00 PM)

Iki giterane gifite intego igira iti: “Guhindurirwa gusa na Yesu Kristo” (Abaroma 8:29-30). Byongeye muri iki giterane hatumiwemo abavugabutumwa, chorale, abahanzi ndetse n’abaramyi barimo:
Umuvugabutumwa Pastor Julienne KABANDA uzwi cyane mu bikorwa byo gufasha urubyiruko.
Umuhanzi akaba n’umuramyi James afatanyije na Daniella baririmba indirimbo zo kuramya no guhimbaza Imana harimo mpa amavuta mu itabaza,n’izindi.
Umuramyi PAPY Clever. Wamenyekanye mu ndirimbo zitandukanye higanjemo izo mu gitabo (cantique):uwo njya nikomezahozo,amakuru y’umurwa,…
Jesus Light Choir (New Jerusalem Church)

Muri iki giterane hitezwe impinduka zikomeye, binyuze mu ijambo ry’Imana, indirimbo n’ubuhamya butandukanye bizahindura abantu benshi bamenye Yesu Kristo bamwakire nk’ umwami n’umukiza w’ubugingo bwabo (bakizwe) ikindi bazunguka abanyamuryango bashya bazinjira muri Christian union hanyuma bagafatanya kwamamaza ubutumwa bwiza bwa Yesu. Ku basanzwe barakiriye Yesu, iki giterane kizabaha imbaraga barusheho kwizera, naho kubari baracitse intege, kije aricyo kubahembura.
[email protected]