Bimwe mu bimenyetso by’ibihe bizaza bivugwa muri Bibiliya n’ibisobanuro byabyo (Igice cya 2)

Bibiliya itubwirako ibyanditswe bifite umumaro wo kweza umuntu , kumutunganya no kumuhanira gukiranirwa. Hari imvugo za gihanuzi ziri muri bibiliya usanga akenshi zigoye kuzumva.Agakiza.org tugiye gusangiza abasomyi bacu, ubusobanuro bw’ubuhanuzi bumwe na bumwe abantu b’Imana bagiye bavuga bayobowe na Mwuka Wera w’Imana, Kugirango tumenye aho isi ihagaze kwifashishije ibyanditswe byera.

Ibimenyetso by’ibihe bizaza

Ese ni ryari Ubwami bushushanya ibirenge kuri ya shusho Nebukadinezari yarose buzagira imbaraga ? Ese ni ibihe bimenyetso bigaragaza kuza kwa Yesu ? Yesu yavuzeko ubugome buziyongera n’urukundo rwa benshi rukazakonja(Matayo 24:12). Daniyeli we yavuzeko benshi bazajarajara kandi ubwenge bwa benshi buziyongera(Daniyeli12:4) mu minsi ya nyuma.

Ikindi kimenyetso ni uko abenshi bazayoba bakava mu byizerwa bizima(Imana). Nubwo ubutumwa bwiza bwa Yesu buzaba bumaze gukwira isi yose , benshi bazanga Imana. Kimwe mu kimenyetso cy’ ingenzi ni ukugaruka k’ubwoko bw’Imana bwatatanye buvuye mu mahanga(Yesaya 11:11-12, Ezekiyeli 37:11-14). Kandi urusengero rw’Imana ruzongera kubakwa i Yerusalemu mu bihe bya Nyuma (Daniyeli9:25-27, Matayo24:15, 2Abatesalonike2:3-4).

• Gusenyuka kwa Yerusalemu kubera Abayuda baretse Imana : Luka 19:43-44

• Ubwenge buziyongera: Daniyeli 12:4

• Ubugome buziyongera: Matayo 24:12

• Ubutumwa bwiza buzigishwa ku isi Yose: Matayo 24:14, Mariko 13:10

• Ibihuha biziyongera :Matayo 24:6-7

Yesu yatuburiyeko hazabaho intambara n’inzara n’ibishyitsi .Ibyo byose bizoyongera(Matayo24:6-7). Ibimenyetso byerekana kugaruka kwa Yesu byamaze kugaragara. Ariko ntituzi umunsi n’igihe ashobora gutinda bikaba byafata ibindi binyejana kimwe yuko yaza n’ejo gusa ibyo bihishwe ubwenge bwacu.

“Ariko ubwo muzabona ikizira kirimbura cyahanuwe n’umuhanuzi Daniyeli gihagaze ahera” Matayo 24:15

Tuzagaruka kukizira , kirimbura cy’Ahera mu busobanuro burambuye, Ubwo Yesu yavugaga ibi yashakaga kuvuga yerekeza ku buhanuzi bwa Daniyeli 9:27.

Ingengabihe y’ahazaza

Mu buhanuzi bwa Daniyeli igihe cy’imyaka irindwi(7) kigereranywa n’ibyumweru mirongo irindwi(70) by’amahoro ku b’Isirayeli. Daniyeli yongeye guhanura avugako “umurimbuzi azaza ku ibaba ry’ibizira” bikazaba hagati y’imyaka irindwi. Ibyo bizira nibitangira kugaragara nibwo indwara z’ibyorezo, ibiza, n’intambara bizaherako biba.

Ibi bisobanuyeko mu myaka itatu n’igice ya mbere izaba ari amahoro naho indi itatu n’igice isigaye izaba ari uy’umubabaro n’akarengane ,(Daniyeli7:23, 9:27, 12:11-12).
Yesu yavuzeko iyo myaka 3,5 hazaba “umubabaro utigeze kubaho” (Matayo24:21). Buri myaka itatu n’igice(3,5) niyo Bibiliya yita “igihe n’ibihe n’igice cy’igihe” (Daniyeli12:7, Ibyahishuwe 12:14), amezi mirongo ine n’abiri (42) Ibyahishuwe11:1-2 n’imyaka igihumbi na magana biri na mirongo itandatu(1260) ibyahishuwe11:1-2.

Ibindi by’ingenzi bizakurikiraho ni amasezerano y’amahoro Daniyeli yahanuye. Ibi bikazabaho mbere y’imyaka irindwi kugirango Yesu agaruke, yime ubwami bwe hano ku isi mu gihe cy’imyaka igihumbi.

Ubwami bushushanya ibirenge

Daniyeli 9:27 na 2 Abatesalonike 2:4-5 ibi byanditswe byerekanako " Ikizira cy’umurimbuzi " cyazaba ubwo anti-kristo azabuzanya ibitambo n’amaturo byo mu nzu y’Imana akigaragaza nk’Imana. " ... Kuko uwo munsi utazaza kurya kwimura Imana kutabanje kubaho kandi urya munyabugome atarahishurwa ariwe mwana wo kurimbuka. 4 Ni umubisha wishyira hejuru y’icyitwa Imana cyangwa igisengwa, kugirango yicare mu rusengero rw’ Imana, yiyerekane ko ari Imana(2 Abatesalonike 2:4-5).

"Niwe uzavuga ibyo kugomera Imana isumba byose, kandi azarenganya abera b’Isumbabyose. Azigira inama zo guhindura ibihe n’amategeko kandi bizarekerwa mu maboko ye kugeza aho igihe n’ibihe n’igice cy’igihe bizashirira (Daniyeli 7:23-25).

Inyamaswa enye Daniyeli yarose

Uko izi nyamaswa ari enye(4) zigereranywa n’ubutegetsi

1. Intare: Babuloni

2. Idubu: Ubumedi n’Ubuperesi

3. Ingwe: Ubugereki

4. Inyamaswa iteye ubwoba: Abaroma

Inyamaswa ya kane igaragara ifite amahembe ane na yo asanishwa n’’ibihugu icumi byishyize hamwe kandi ubwo butegetsi bwose bwishyira hamwe ngo burwanye Kristo. Gusa bibanza gusinya amasezerano yo kugarura amahoro muri Isirayeli, bimara gusa imyaka itatu n’igice hanyuma nibwo hazatangira ibihe bigoye byakarengane nk’uko Bibiliya ibigaragaza.

Mu gice cya gatatu tuzababwira ku bimenyetso birindwi (7) byahishuwe twifashishije ijambo ry’Imana ndetse tuzarebera hamwe icyo Bibiliya ivuga kubihe bizakurikiraho nyuma y’umubabaro n’akarengane byo mu isi.

Source: https://www.neverthirsty.org

Ismael [email protected]