Amayeri satani akoresha akabuza abakristo gukora ubushake bw’Imana

“Kugira ngo Satani atagira icyo adutsindisha kuko tutayobewe imigambi ye.”(2Abakorinto2:11)

Bibiliya itubwirako tugomba guhora twiteguye ibitero satani atugabaho. Satani ntajya atuza gukora ibintu bituma akururira abantu b’Imana mu cyaha bakajya kure yayo. Abakristo bakwiye kwitegurira gutsinda satani biga amwe mu mayeri akoresha mu kuriganya abakristo ngo badakora ubushake bw’Imana.

Dore amayeri satani akoresha akabuza abantu gukora ubushake bw’Imana:

1.Atera abantu gushidikanya ku Mana

Itangiriro 3 haduha amayeri ya mbere satani yakoresheje yo gushidikanya ku Mana, cyane cyane ku ijambo ryayo. Mu gitabo cy’Itangiriro 3:1 , tuhasoma inzoka ibwira Eva kurya ku mbuto babujijwe.
“Inzoka yarushaga uburiganya inyamaswa zo mu ishyamba zose, Uwiteka Imana yaremye. Ibaza uwo mugore iti “Ni ukuri koko Imana yaravuze iti ‘Ntimuzarye ku giti cyose cyo muri iyi ngobyi’?” (Itangiriro 3:1) Tugendeye kuri aya magambo, turabonako satani yahinyuye amagambo y’Imana.
Bibiliya itubwirako “ kwizera guheshwa no kumva , no kumva kukazanwa n’ijambo rya Kristo”(Abaroma10:17). Igihe tumvise ijambo ry’Imana, turaryakira tukanaryizera? Cyangwa dushidikanya kucyo Imana yavugiye mu ijambo ryayo?
Iyo dushidikanyije ku magambo y’Imana, tunanirwa kugira ukwizera, bigatuma satani abona urwaho rwo kutuyobya nk’uko yabikoze Eva.

2.Atugerageresha ibyo dukeneye

Luka 4 hatubwira amayeri satani akoresha: Igihe satani abonye urwaho rwo kutubuza gukora ubushake bw’Imana, bimufasha kubona uburyo bwo kutubuza gukora ibyo Imana ishaka. Igihe adashoboye kuduhagarika gukora ibyo Imana ishaka, agerageza gukoresha imbaraga zose, mu gutuma tugabanya umuhate wo gukora ibyo Imana ishaka.

Satani yagerageje aya mayeri ku Mwami Yesu Kristo utarigeze akora icyaha.
Luka4 tuhasoma ko Yesu yamaze igihe atarya kandi yari ashonje. Mubigaragara satani yashoboraga kumutegera ku kurya, ahe ibyo umubiri ukeneye. Nyuma yo kumugerageresha ibyo kurya, satani yamugerageresheje icyubahiro, guhinyura ubutware bwe ariko Yesu yamutsindishije ibyanditswe bivuga ko dukwiye gushaka no kuramya Imana yonyine.

3.Atwibutsa ibyaha twakoze kera

Amwe mu mayeri akomeye satani akoresha ni ukudushinja ibyaha twakoze . Niba ashobora kudushinja ibyaha twakoze kera,natwe tukabyumva, ntituzashobora kugira ibyishimo no gushimisha Imana.
Satani ahora iteka atwibutsa ibyaha by’ahashize kugirango aturege. Akora ibi agamije gutuma twumva ko tutari beza imbere y’Imana. Ariko urupfu rubabaje rwa Kristo , rwishyuye ibyaha byacu bituma tubabarirwa. Kandi igihe Imana itubabariye ibyaha byacu, iba ibyibagiwe ikabihanagura. Yesu yagize ati “Ubwanjye ni jye uhanagura ibicumuro byawe nkakubabarira ku bwanjye, kandi ibyaha byawe sinzabyibuka ukundi.”(Yesaya43:25)

Mu by’ukuri abantu bose bizera bagakurikira Kristo nk’Umwami wabo nta teka bazacirwaho:
“Nuko rero noneho abari muri Kristo Yesu nta teka bazacirwaho kuko itegeko ry’Umwuka w’ubugingo bwo muri Kristo Yesu ryambātuye ububata bw’itegeko ry’ibyaha n’urupfu.”(Abaroma8:1-2)

Abakristo bakwiye guhora biga ibyanditswe kuko ariho bazamenyera imigambi satani afite yo kubakura mu bushake bw’Imana no gukora ibyangwa mu maso yayo.

[email protected]