Amateka ya Yerusalem n’uko yabaye umurwa mukuru wa Isirayeli Igice cya 3

Nyuma y’igice cya 2 twabagejejeho ubushize, uyu munsi turakomerezaho, turebere hamwe uko Isirayeli yongeye kubaho ndetse n’uko Yerusalemu kongera kuba Umurwa mukuru wayo byamaganwa nb’ibihugu byinshi, tunabihuze n’icyo Bibiriya ibivugaho

Nyuma y’uko Abaroma bashenye Isirayeli na Yesusalemu bakanahatira abenegihugu guhunga, Abaroma kandi nibo bahimbye izina Palestina, twihutishije amateka maremare, Aba Isirayeli bakwirakwiye ku Isi cyane mu bihugu byo mu Burayi. Bamaze imyaka ikabakaba 2000 batagira igihugu.

Nyuma y’icyahawe izina rya Holocaust (Genocide yakorewe Abayahudi) cyahitanye Abayahudi 6,000,000 mu ntambara ya 2 y’Isi, mu w’1948 Igihugu cya Isirayeli cyongeye kubaho nyuma y’iyi myaka igera ku 2000 batagira igihugu.

Birumvikana ko Isirayeli byayisabye guca mu ntambara nyinshi kugirango yongere kubaho cyane ko igihugu cyahoze ari icyabo cyari kimaze imyaka yose cyarigaruriwe n’Abarabu ndetse cyitwa Palestine

Imwe muri izo ntambara ni iyamenyekanye nka War of six days (Intamba y’Iminsi 6), intambara yitiriwe Kipur n’izindi.

Bibiliya ivuga iki ku ibyo tubona uyu munsi aho Yerusalemu kuba Umurwa mukuru wa Isirayeli bihangayikishije ibihungu byose biyikikije ndetse n’Isi yose?

Igitabo cy’Umuhanuzi Zakariya igice cya 12; ushaka kumva neza wasoma igice cyose ariko turagerageza kwifashisha imwe mu mirongo y’icyo gice.
K’umurongo wa 3, Bibiliya igira iti: "Uwo munsi i Yerusalemu nzahahindura ibuye riremerera amahanga yose, abazaryikorera bose bazakomereka cyane, kandi amahanga yose yo ku isi azateranira kuharwanya"

Dushingiye kuri uyu murongo, mu minsi mike ishize nyuma y’uko Umukuru w’igihugu cya Leta zunze ubumwe za Amerika Donald Trump atangaje ko ku inyungu z’Abanyamerika yemeye Yerusalemu nk’umurwa wa mukuru wa Isirayeli ndetse na Ambasade ya Amerira ikimuka ikava i Tel Aviv ikaza i Yerusalemu, byahagaritse imitima y’abatuye Isi yose by’umwihariko ibihugu by’Abarabu, ku buryo mu cyumweru gishize ibihugu 59 by’Abarabu byakoze inama ko kurwanya bivuye inyuma icyo cyemezo cya Trump.

Ibi byaba bihuriye hehe n’ibihe bibanziriza iby’imperuka y’Isi?
Tubibutse ko n’ubwo iki cyemezo ari Trump wagifashe ariko kuva mu mwaka w’1991 President Bill Clinton, George W. Bush ndetse na Barak Obama wasimbuwe na Trump bose bajyaga bemeza ko Yerusalemu izakomeza kuba umurwa mukuru wa Isirayeli ariko ntibigeze basohora itangaze ryemeza nk’ibyo President Trump yakoze.

Mu gice cya nyuma cy’iyi nkuru tuzabagezaho ikizakurikiraho nyuma y’uku gusohora k’ubuhanuzi bwari butegerejwe imyaka ibihumbi bitatu

Bizima [email protected]