Ababyeyi b’abagore bafite uruhare runini mu gutoza abana babo kumenya Imana.

Ubusanzwe umuryango ugizwe n’umugabo,umugore n’ abana abo babyeyi ni bo bafite inshingano zo kurera neza abana babo no kubaha uburere bukwiriye.hiyongeraho umuryango mugari ugizwe n’abaturanyi,inshuti ndetse n’urungano ibi byiciro byose bivuzwe nibyo byakira umwana kuva avutse uko akura akagenda yigishwa byinshi.

Abakristu benshi bakunda kuvuga ko ababyeyi babo b’abagore aribo babatoje kumenya imibereho ya gikristu kurusha ababyeyi b’abagabo.

Ubushakashatsi bwakozwe nigitangazamakuru(christiantoday) babonye ko abagore aribo bafite ubwiganze mu kwigisha abana babo inzira yo kumenya Imana kurusha uko ababyyeyi b’abagabo babikora, bongera kugaragaza ko na ba nyirakuru b’abana nabo babigiramo uruhare.

Itsinda ryitwa Barna ryo mui Amerika ryakoze ubushakashatsi risanga ababyeyi b’abagore ari bo shingiro mu kwigisha abana babo iyobokamana mu ngo zabo,ubu bushakashatsi bugaragaza ko abakirisitu 68% bahamya ko imyizerere yabo bayitojwe n’ababyeyi babo bigitsina gore. Mu gihe abakristu 46% bo bavuga ko batojwe imibereho ya gikristu n’ababyeyi babo b’abagabo.

Ababyeyi bakuru(nyirakuru) nabo bafite uruhare mu guha abana uburere bwiza bwa gikristu kuko mu bantu babaganirijwe bagaragaje ko 37% ari abatojwe iyobokamana na ba nyirakuru.

Umuryango mugari (Abaturanyi n’incuti) nawo utanga umusanzu kuko bafite uruhare rungana na 16% mu kwigisha abana inzira ya gikristo.

Bibiriya ikangurira ababyeyi gutoza abana babo inzira yo kumenya ndetse no kubaha Imana bakiri bato kuko bibafasha gukurana imico myiza. Imigani: 22:6 “Menyereza umwana inzira akwiye kunyuramo azarinda asaza atarayivamo”

Birakwiye ko ababyeyi bombi bagira ubufatanye mu kurera abana babo no kubatoza inzira nziza ya gikristo bityo bagakurana uburere bwiza ndetse bakaba indakemwa mu mico no mu myifatire akagirira akamaro umuryango we ndetse n’igihugu.

[email protected]