Yatangiye kwikinisha afite imyaka 12 ariko arashima Imana yamukuye muri ubwo bubata

ubu ni ubuhamya bw’umusore watangiye kwikinisha akiri muto ariko ku mpamvu z’umutekano we yadusabye kudatangaza amazina ye bwite

Natangiye kwikinisha mfite imyaka 12, mu byukuri icyo gihe mbikora nabiguyeho gutyo ariko nta wundi muntu wari warabinyigishije, nakomeje kujya mbikora nkabikora numva nta kibazo biteye

Maze kwigira hejuru ho gato nko mu myaka 14 na 15 natangiye kujya nikinisha cyane ku buryo nabikoraga gatatu ku munsi ariko namara kubikora nkicuza impamvu mbikoze ndetse nkumva ndabizinutswe ariko nyuma y’indi minota itanu nkongera nkabikenera

Ndibuka ko icyo gihe nigaga mu mwaka wa kabiri w’amashuri yisumbuye, icyo gihe nari narangiritse ku buryo nabonaga umuntu wese w’igitsina gore yaba ari umwana cyangwa umukecuru nkifuza gusambana na we ariko kuko bitari bushoboke nyine ubwo nahitaga nikinisha

Ntimubyumve nk’ibintu byari byoroshye kuko buri minota itanu nakeneraga gukora icyo gikorwa ariko namara kubikora nkumva ndabizinutswe nkumva ndiyanze ndetse nkifuza guhora ndi njyenyine rimwe na rimwe nkumva nakwiyahura kuko nta cyizere cy’ubuzima nari ngifite

Icyo gihe rero natangiye gusabanuka ubundi ugasanga aho ndi hose nibereye ku mbuga nkoranyambaga nirebaera abakobwa bambaye ubusa, ndetse nkarangazwa na filime z’urukozasoni, ubuzima bwanjye buragenda burahinduka nsigara numva nta cyo maze ku isi ntekereza ko impamvu yatumaga niyanga biterwa n’ubwonko buba bwaramaze kwangirika

Nshuti yanjye dufatanije urugendo rujya mu ijuru ndagirango nkubwire ko nta cyiza na kimwe nabonye mu kwikinisha, abantu benshi bavuga ko ibi birinda gusambana ariko barabeshya kuko bitera irari rya buri munota, ikintu ukora kikakubuza amahoro ukumva nta munezero na mucye ufite

Ubwo nakomeje kuba muri ubwo buzima, nkiga mbabaye, nduhijwe n’icyo cyaha nahoragamo, kandi ubwo mu rugo iwacu nta kintu na kimwe nigeze mbaburana kuko nta cyo twari tubuze, ubwo narangije amashuri yisumbuye ntyo, ngiye kujya muri kaminuza papa wanjye arampamagara angira inama ariko iyo yahereyeho yarambwiye ngo ntuzikinisha kuko ari bibi, mu byukuri yabimbwiraga aziko nkiri muzima kandi nari nararangiye cyera

Bene data nageze muri kaminuza nkomeza ubuzima bwanjye ariko nkakunda gusoma ku ngaruka zo kwikinisha, nkagerageza kubirwanya ariko biranga neza, igihe kimwe nibwo nagiye mu rusengero nikinira ngezeyo batangira kwigisha, uwigishaga ahamagara abantu bakora ibyaha bihishe cyangwa bari mu cyumba cyabo, mu byukuri naragiye ariko ngenda mu kuvunge cy’abantu benshi baransengeye ndagend mara ukwezi ntarongera kwikinisha ariko nyuma yahoo birananira mbisubiraho

Umunsi umwe rero maze kurambirwa neza neza mfata umwanzuro wo gupfukama nkisabira Imana imbaraga zo kunesha icyo cyaha, nukuri simbabeshya nahise mfukama imbere y’igitanda cyanjye ntakambira Imana ndayibwira nti mbabarira untabare ngiye gupfa, ibyo nabikoraga iyo nabag maze kwikinisha nkarira cyane nkabwira Imana ngo imbabarire sinzongera, ubwo nakomeje kubaho gutyo ariko uko nsenga Imana bikagenda bigabanuka ku buryo ubu tuvugana ndi umugenzi ujya mu ijuru nakiriye Yesu nk’umwami n’umukiza wanjye

Ndagirango nkugire inama niba warabaswe no kwikinisha, nta kintu utakoze ngo ubireka ariko byarakunaniye izere ubushoboze bw’Imana ubundi uyisunge uyitakambire uyisabe ize ikurengere kuko uretse kuba ari icyaha, ni n’ingeso itari nziza kuko igira ingaruka kuri nyirayo iyo ageze mu gihe cyo gushinga urugo rwe

Imana ishoboye byose kandi muri byose harimo no kugushoboza kureka icyaha cyo kwikinisha sinjye wabonye mva muri ubwo bubata niyo mpamvu ninginga buri wese kubigendera kure kuko nta cyiza na gito kibirimo

[email protected]