Uretse kuryoha no gusa neza, waba uzi akamaro k’umuneke?

Umuneke ni urubuto rukenewe ku bantu bose kuva ku mwana ukageza ku muntu mukuru gusa benshi bumva ko umuneke ukwiye kuribwa n’abana gusa ariko si ko biri kuko umuneke ari rwo rubuto rwa kabiri rufite akamaro ko kongera imbaraga mu mubiri w’umuntu kuko rwiganjemo amoko menshi y’isukari nka glucose, sucrose na fructose bityo uwaruriye agahorana imbaraga mu mubiri we

Amakuru dukesha urubuga www.naturalnews.com avuga ko abantu bakora imyitozo ngorora mubiri babona imbaraga bikomotse mu kurya umuneke kuko ukize ku munyu ngugu wa potassium, uyu munyu ngugu ngo ufite akamaro kanini ku mikorere y’imikaya yaba iyo mu mubiri hasanzwe ubundi ugafasha umutima gutera kuko iyo umuntu yawubuze mu mubiri we umutima utera nabi kandi umuntu agakunda kurwara icyo bita ibinya cyangwa gufatwa n’imbwa.

Uru rubuga ruvuga ko kurya umuneke umwe ku munsi bifasha umubiri kwirinda umuvuduko wamaraso (Hypertension).

Umuneke kandi wamenyekanye bitewe n’uko ufite ubushobozi bwo kurinda igifu ibisebe(Gastric Ulcers) kuko ushobora kurwanya acide iba mu gifu, ndetse ishobora no gutuma umubiri uhangana n’ibindi bisebe bishobora kwangiza umubiri.
umuneke wifitemo vitamine nyinshi zirimo Vitamini A ifasha mu kurinda amenyo igikuriro, imikorere y’umubiri n’izindi.

C ifasha imikurire y’ingingo n’ibindi….
D ifasha umubiri mu kwinjiza imyunyu ngugu (calcium), ari nayo ifasha mu gukomera kw’amagufa.

umuneke kandi ni urubuto rwiza ku bantu bakeneye kugabanya ibiro
Ikigo cy’abashakashatsi b o mu buyapani cyagaragaje ko umuneke wifitemo ibintu bishobora gutuma umubiri w’umuntu ugira ubudahangarwa bwo ku rwego rwo hejuru ndetse ngo ushobora no kugufasha kwirinda indwara ya kanseri.

Source: www.naturalnews.com
Liliane [email protected]