Umukwe araje: umuzingo wa 3 w’indirimbo z’amashusho za korali Jehovah Jireh CEP ULK

Kuri iki cyumweru tariki ya 09 nyakanga 2017 ahagana mu ma saa cyenda za nimugoroba nibwo korari Jehovah Jireh CEP ULK yamuritse ku mugaragaro umuzingo wayo wa gatatu w’indirimbo z’amashusho bise umukwe araje,

ni igiterane cyari cyitabiriwe n’abantu batari bacye, hakaba hari hatumiwemo na korali Siloam ya ADEPR umudugudu wa Kumukenke ho muri Paruwasi ya Gasave aho yasusurukije abantu kakahava.

Uyu muzingo uriho indirimbo13 zifite umwimerere zirimo izimaze kumenyekana nk’iyitwa umukwe araje ari nayo yitiriwe uyu muzingo wa gatatu
Umuyobozi wa korari Jehovah Jireh NDORIMANA Philotte avuga ko yishimira ibyagezweho kuko ibyo basabye Imana birimo kubona abayobozi bakuru b’itorero ndetse n’abitabira igiterane babibonye, bityo bakaba banezerewe mu mitima yabo nkuko tubikesha ikinyamakuru ibyishimo.com.

Korari Jehovah Jireh ikorera umurimo wImana muri Kaminuza yigenga ya Kigali,yatangiye mu mwaka w’1998,yatangiriye mu gishanga ahahoze hakorera ULK ubu hari ikigo cya secondaire Cyitwa Gloly secondary school.
Yatangijwe n’abanyeshuli 6 biga nimugoroba babarizwaga mu itsinda rikorera mu muryango w’abanyeshuri b’abapantekote bo muri kaminuza, icyo gihe ikaba yaritwaga Groupe de prière des étudiants pentecotistes universitaires(GPEPU) nyuma nayo yaje guhindura izina ikaba CEP (communautés des étudiants pentecotistes) mu mwaka wa 2000.

Kuri ubu korari Jehovah Jireh imaze kugera ku rwego rushimishije kuko ikundwa n’abantu batari bake bitewe n’indirimbo zabo umuntu yavuga ko zifite umwimerere.

Liliane [email protected]