Uburyo bune abantu bibwira ko bayobowe n’Imana nyamara ari amarangamutima yabo

Bibiliya itwigisha kuyoborwa n’Umwuka Wera. Abagalatiya: 5:25 “Niba tubeshwaho n’Umwuka tujye tuyoborwa n’Umwuka.” Bigora abantu benshi kumenya ijwi ry’Umwuka Wera kurusha gukurikiza ibyifuzo byabo.

Abantu benshi baha agaciro ibyiyumviro byabo kurusha gukurikiza ubushake bw’Imana batekereza ko ari Umwuka Wera ubayoboye gufata ibyo byemezo kandi atari Umwuka Wera ubayoboye. Adam Mabry umupasiteri wo mu itorero rya Aletheia muri leta ya Boston muri Amerika yagaragaje uburyo 4 abantu kutayoborwa n’Umwuka Wera bibwirako ari wo ubayoboye.

1. Kutayoborwa na Bibiliya

Iyo umuntu avuze ko ayoborwa n’Umwuka Wera mu gufata ibyemezo bimwe na bimwe ariko ugasanga ibyo byemezo nta hantu byanditse mu Ijambo ry’Imana aba ari kwibeshya cyane.
Birashoboka cyane ko umuntu amenyera imikorere y’Umwuka Wera akageza ubwo aba atakigenda ayobowe na Bibiliya. Ariko ni ukwibeshya cyane. Umwuka w’Imana adusaba kugira amakenga cyane kuko na satani ajya yigira nka Marayika w’umucyo. 2Abakorinto: 11:14.

2. Kubaho nta Torero

Nta murongo wo muri Bibiliya ugaragaza ko umuntu yabaho ubuzima bw’Umwuka ku buryo yaba wenyine kugirango atabasha kwandura. Imana yaduhamagariye kugirana ubusabane nayo ndetse no kugirana ubusabane n’abandi. Nk’umubiri wa Kirisitu nta bwo dukwiriye kwitandukanya. Niba ushaka kugenda no kugira icyemezo ufata, ukwiriye kugira ubwenge ndetse ukaganiriza umubyeyi wawe wo mu buryo bw’Umwuka cyane cyane uwo mu itorero ubarizwamo. Ibyakozwe n’intumwa: 2:42.

3. Kutagira ubwenge

Umwuka w’Imana wahangaga ku bwoko bw’Imana ni wo wahumekeye Salomo yandika inzandiko z’ubwenge. Pawulo yasenze isengesho adusabira kugirango Imana itwuzuze umwuka w’ubwenge. Iyo ugiye kujya mu kintu ariko ugasanga gihabanye na Bibiliya ndetse n’abantu bakakugira inama yo kukireka uba ukwiriye kugira amakenga.

4. Nta kwizera

Umuntu utizera ntabwo ashobora kunezeza Imana (Abaheburayo; 11:6) “Ariko utizera ntibishoboka ko ayinezeza kuko uwegera Imana akwiriye kwizera ko iriho, ikagororera abayishaka.” Kuyoborwa n’Umwuka bisobanuye kwizera ko Imana ishoboye kandi ukemera kuyoborwa na yo.

Icyo abakirisitu bakwiriye kwitaho ni ukwizera no gukurikira Imana kuko izabayobora ibageze ku bushake bwayo ndetse ibanyuze naho babona ko nta nzira cyane cyane iyo bafata ibyemezo byo kubaka ingo, no gutangiza insengero, iyo bemereye Umwuka Wera arabayobora.

Mbere yuko uvuga ko Imana ikuyoboye gukora ikintu iki n’iki ugomba kubanza kureba niba gihuye n’Ijambo ryayo, ko hari icyo kimariye abantu b’Imana, ukagira ubwenge, ukabona gushyira mu bikorwa.

Infochretienne.com
[email protected]