Ubuhamya bwa MATABARO Victor wahumutse nyuma y’igihe kinini atabona

Nitwa MATABARO Victor ndi umubyeyi w’abana 12 n’umufasha umwe ubuhamya bwanjye bushingiye ku kuntu nabonye Imana intabara nari narahumye nyuma nza guhumuka

Icyo gihe bitangira nakoraha kuri ambasade y’abadage, ubwo nagiye ku kazi nkuko bisanzwe ngezeyo nza kubona ikibiunda mbese ntabona neza ndatabaza abari aho banjyana kwa muganga baransuzuma biranga njya ku bindi bitaro naho bigenda uko ariko banyandikira indorerwamo z’amaso bazitumiza mu budage ziraza, nzambaye nabwo biranga neza nyoberwa icyo nabaye kandi ubusanzwe nari ndi muzima

Ubwo banyohereje muri Kenya kugirango njye mu budage kwivurizayo ngeze Kenya umuganga ambwira ko nta mpamvu yo kujya mu budage kuko imboni zanjye zashiririye ubwo bahita bampa icyemezo kivuga ko ntazongera kubona burundu, bahita banyohereza mu kigo gifasha abantu batabona kugirango nige kujya ngenda ntabona

Igihe kigeze, kuri ambasade bemera kumpa pansiyo kuko nabakoreye neza, ndagenda nicara mu rugo n’ubuhumyi bwanjye, mara igihe kinini cyanee ntabona ariko icyo gihe nari ntarakizwa ariko umugore wanjye we yari akijiwe neza Imana itangira kumuha amasezerano menshiyuko nzakira

Umugore yarambwirije ndakizwa ndanabatizwa, nkomeza gusenga Imana cyane nkakora amasengesho y’uburyo bwose kuko numvaga nshaka Imana cyane, baje gupanga amasengesho y’iminsi irundwi rero ndayakora, iminsi itatu ishize ndahaguruka mbwira Pasteur ko nshaka guhumuka kugirango njye nsoma bibiliya ndetse nandike n’ibyifuzo byanjye

Ubwo bahise bansengera cyane bavuze Amen mbona umukeka wari ushashe hasi, ndebye ku ruhande mbona ibintu byahindutse mbona gutyo, Imana ishimwe cyaneeeeee yarankijije

Ndashima Imana yankirije ubuntu kuko nyuma yuko mpumye nabyaye abana batatu bose, mu byukuri sinari mbazi najye nababonye icyo gihe mpumuka,
Ndashima Imana ko nyuma y’imyaka irenga ine yansubije amaso yanjye

[email protected]