Ubuhamya bw’uwahoze asengera mu idini ya islam : igice cya nyuma

Yarapfuye koko ariko ndikomeza mbwira abo twari kumwe ko umuhungu wanjye arimo kuruhuka bo bakarushaho kubabara kuko babonaga ko byarangiye ariko bandeba bakabona ndakomeye.

Ubwo twageze kuri morgue, mbasaba ko bampa umwana wanjye uri kuruhukira hano, baramumpaye turamutahana tugeze mu rugo ndakinga ndamusengera ndangije ndamuhamagara aranyitaba ariko ntiyabashaga kunyeganyega, ndakomeza ndasenga arareba, ndongera ndasenga areguka umwana wanjye arongera aba muzima, duhita dushima Imana dukora igiterane aho mu rugo.

Hashize iminsi, umugabo wanjye ataka umutwe ndamusengera ajya ku kazi agezeyo yitura hasi bahita bamujyana kwa muganga, hashize akanya numva barampamagaye bambwira ko yapfuye, nahise nihutira kujya kwa muganga nsaba uruhushya abaganga rwo kujya kumusezera bwa nyuma, ngeze ku murambo ndawubwira nti tonton uribuka ko ujya kuva mu rugo wambwiye ngo n’aho mu kanya? Ntago wigeze umbwira ngo ku Mana, ubwo nahise mbwira abo twazanye gutaha ariko barabyanga bavuga ko bashaka kumenya ikimwishe, nababwiye ko ibyo Atari ngombwa ahubwo ko bagomba kujya kubwira abandi ko umugabo wanjye yapfuye.

Nahise nsubira iruhande rw’umurambo w’umugabo wanjye, abari aho barambaza bati ese wazanye imyenda yo kumwambika? Nahise mbabwira ko ntazanywe no guhindura imyenda ahubwo nazanywe no gutwara umuntu wari uri aha, bose bagwa mu kantu, ako kanya ndasenga ndangije ndirimba akaririmbo kamwe ko kuramya Imana ubundi ndavuga nti Amen, ngiye kumva numva inyuma yanjye wa murambo uravuze ngo Amen, ubwo mpita mubwira nti ngaho byuka dutahe cheri

Mu gihe turi gusohoka, ikirenge cyanjye gisitara ku wundi murambo wari uryamye ahongaho maze uwo mukobwa ahita abyuka ansaba ko musohokana nuko mpita mbafata amaboko bombi dusohoka muri morgue ariko nari mfite ubwoba bw’ukuntu umuzamu yabonye ninjira njyenyine none akaba agiye kubona dusohotse turi batatu, twageze hanze abantu bari aho bariyamira, mpita mbaza wawundi wazutse musitayeho nti utuye he arahambwira dufata umwanzuro wo kumuherekeza tukabona gutaha, ubwo twamushyiriye ababyeyi be barishima bikomeye turangije turataha.

Ndagirango mbwire umuntu utazi Yesu ko ari umurengezi wacu mwiza, Yesu yaje mu isi kugirango tubone ubugingo ndetse bwinshi kandi kugirango duhinduke abana b’Imana, yatubwiye ko turamutse tugize kwizera kungana n’akabuto ka sinapi dushobora kubwira umusozi ngo va aha bigakunda, ijambo ryayo ni iry’ukuri kukuari Imana, ibyo yankoreye nawe ishobora kubigukorera kuko ijambo ry’Imana riravuga ngo uko yari ari ejo n’uyu munsi niko ari kugeza iteka ryose.

Ngaho mwakire uyu munsi maze urebe ibitangaza azagukorera,niwumva ijwi ry’Imana uyu munsi ntiwinangire umutima ibyo yankoreye nawe yabigukorera icyo agusaba gusa ni ukwitandukanya n’ibyaha.

Amen.

Liliane [email protected]