Ubuhamya bw’uwahoze asengera mu idini ya islam: igice cya mbere

Indwara itazwi

Nitwa madame QUATTARA MAIMOUNA. Navutse kandi nkurira mu idini ya islam, mu mikurire yanjye narwaye indwara itazwi nkajya mpora mbabara munda bikabije, njye n’ababyeyi banjye twari twarayobewe inkomoko yayo, ababyeyi bari barakoze iyo bwabaga ngo bamvuze ariko bageze aho bararambirwa barabireka
Nyuma y’igihe kitari gito mbayeho muri ubwo buzima, ababyeyi banjye banshyingiye umugabo ntari narigeze mbona na rimwe kuko namubonye ku munsi w’ubukwe, ubwo nahise niga kumukunda no kumwubaha nkuko amategeko y’idini yacu yabidutegekaga.

Njyeze mu rugo rwanjye, bwa burwayi bwo munda burankomerana ku buryo ntabashije gusama, ubwo umugabo wanjye atakaza icyizere cyo kubona umwana ubundi arantoteza bikomeye ariko nkamubwira ko byose biterwa n’ikibazo cyo munda nagize kuva nkiri muto, umugabo afata icyemezo cyo kunjyana kwa muganga ariko n’ubundi biranga biba iby’ubusa kuko nta muganga wigeze amenya igitera ubwo bubabare bwo munda, kuva icyo gihe amahoro yatangiye kubura mu rugo iwanjye biturutse ku kuba ntarabashije gusama

Sinagiraga imiyoborantanga

Nyuma y’imyaka ine tubayeho muri ubwo buzima bwari busharirirye gutyo, umugabo yagerageje uko ashoboye anjyana mu bavuzi ba gakondo batandukanye biranga afata icyemezo cyo kunshakira imiti ya kizungu, tugeze kwa muganga, umuganga atubaza ikitagenda neza ku buzima bwanjye, ubwo namubwije ukuri ku kibazo mfite arangije aransuzuma, ibizami bije atubwira ko ntagira imiyoborantanga ati byari gushoboka ko mubyara wenda mfite umuyobora ntanga umwe nibura ariko njye nta n’umwe nari mfite maze atubwira ko ntapfa gusama, nyuma y’ibisubizo twahawe n’abaganga batandukanye, umugabo wanjye yarambajije ati ariko ubundi uturuka ku yihe si ku buryo utagira n’umuyoborantanga n’umwe? Buwo naramusubije nti byose bibaho

Itangiriro ry’umubabaro wanjye

Kuva icyo gihe natangiye ubuzima bw’umubabaro n’agahinda bituruka ku rwango umugabo yahise angirira, ariko nkagerageza kwihangana no kumuguyaguya nkamukorera byose nagombaga gukora kuko narinzi ko amakosa ari njyewe ariho, mtago byari byoroshye kuko byageze aho amena amasahane, akamena ibiryo maze guteka, yataha ntansuhuze, muri make bwari ubuzima bunkomereye ariko kuko nabonaga ko ashakisha impamvu yo kugirango dutandukane, nakomeje kwirinda muri byose kuko nabonaga umuriro ugurumana ugendagenda hafi y’urugo rwanjye, ubwo yaje gufata icyemezo akajya yirarira kwa nyina bigeze aho arerura arigendera ansiga mu rugo rwa njyenyine.

Uko nahuye na Yesu

Ubwo natangiye kubaho ubuzima bwa njyenyine, abambonye bose bakanyita amazina adasobanutse bamwe bati si umukobwa kandi si n’umugore, abandi bati ni umurozi, mbese sinabona uko nsobanura umubabaro nari mfite wose, gusa muri ubwo buzima bubi naje kumva ijwi rimpamagara riti: “mwana wanjye Helene” natekereje ko ndi kurota ariko ndebye neza nsanga nukuri kuko icyumba cyanjye cyari cyuzuyemo urumuri rwinshi cyane utagereranya n’amatara dusanzwe dukoresha mu ngo zacu, nahise mbyuka vuba vuba ndicara ariko nkomeza kwibuka ko muri rwa rumuri rwinshi hari harimo umugabo wambwiraga ati helene mwana wanjye amarira warize narayumvise kandi nje kugutabara, icyo gihe byaranshobeye ndumirwa kuko ntari narigeze kumva ijwi rimeze rityo ariko mu ijoro ryakurikiyeho wa mugabo aragaruka asubiramo ya magambo arambwira ngo ndi Imana ihoraho, birongera birancanga kuko ubusanzwe nari nzi Allah na Muhamedi gusa.

Kuva uwo munsi nahise nuzura amarira atagira ingano mpita mfata icyemezo ko uyu mugabo ntazi naramuka agarutse muri iyo nzu ku nshuro ya gatatu nzahita nzinga ibyanjye nkigendera, ubwo muri iryo joro nabwo yaragaruse agarukana urumuri rwinshi cyane asubiramo ya magambo, nagerageje kumureba mu maso biranga ariko mbona umutwe uriho ikamba n’amaraso ubwo nahise ndekeraho kurira ubundi ntangira gukeka ko ashobora kuba ari Yesu ariko nagerageza kumuhamagara bikanga nkomeza kugerageza birakunda maze numva umunezero udasanzwe unyuzuye umubiri wose wa mubabaro uragenda ntangira kugira ibyishimo byinshi nkumva wagirango ndi nyir’igihugu ariko mfunguye amaso wa mugabo ndamubura ndetse na rwa rumuri ndarubura.

Natangiye gushakisha Yesu

Muri uwo mwanya narekeye aho kumuhamagara ariko ndamubaza nti uri nde ngo njye kugusonanurira umuryango wanjye? Ubwo nahise mva mu rugo ntanira gutembera mu nzira ariko nkomeza kumva rya jwi rimpamagara Helene kandi nitwa MAIMOUNA ariko nditaba nti karame, hanyuma rya jwi rirambwira riti hindukira iruhande rwawe, ndahindukira mpabona umugore umwe maze rya jwi rirambwira ngo mubaze uti Yesu ni muntu ki? Ubwo nahise mbwira wa mugore nti ese ko maze iminsi itatu numva ijwi ry’umuntu unganiriza ariko nkaba ntamuzi Yesu ni muntu ki? Uramuzi wowe? Uwo mugore aransubiza ati byonyine kuba uzi izina rye biroroshye kumumenya, ubwo anjyana aho akorera arangije aranyakirana ubwuzu arambura amaso areba mu ijuru ati “Yesu wee dore igihe gishize ni kinini nkubwira ngo unyiyereke none ubasha no kwiyereka abatakuzi”

Ibyo byose nabibonaga nk’inzozi
Ubwo nahise mubaza nti ese waba uzi aho uwo Yesu atuye? Undi aransubiza ati yego, mpita musaba ko yanjyana nkajya gusura Yesu iwe mu rugo
Biracyaza……………....................................
Liliane [email protected]