UMUSOMYI WA BIBILIYA, Kuwa mbere 1 Ukwezi kwa gatanu Matayo 13.1-15 Ikib.1

UMUSOMYI WA BIBILIYA, ni igitabo gitegurwa n’UMURYANGO W’ABASOMA BIBILIYA MU RWANDA (Ligue Pour la Lecture de la Bible), kigamije gufasha abantu guhura n’Imana buri munsi mu ijambo ryayo. Uyu munsi tariki ya 01/05/2017 turasoma muri Matayo 13:1-15:

"Uwo munsi Yesu asohoka mu nzu, yicara mu kibaya cy’inyanja. Abantu benshi bateranira aho ari, bituma yikira mu bwato yicaramo, abantu bose bahagarara mu kibaya. Abigisha byinshi, abacira imigani aravuga ati “Umubibyi yasohoye imbuto. Akibiba zimwe zigwa mu nzira, inyoni ziraza zirazitoragura. Izindi zigwa ku kara kadafite ubutaka bwinshi, uwo mwanya ziramera kuko ubutaka atari burebure, Izindi zigwa ku kara kadafite ubutaka bwinshi, uwo mwanya ziramera kuko ubutaka atari burebure, izuba rivuye ziraraba, maze kuko zitari zifite imizi ziruma. Izindi zigwa mu mahwa, amahwa araruka araziniga. Izindi zigwa mu butaka bwiza zera imbuto, imwe ijana, indi mirongo itandatu, indi mirongo itatu, bityo bityo. Ufite amatwi niyumve.” Abigishwa baramwegera baramubaza bati “Ni iki gituma ubigishiriza mu migani?” Arabasubiza ati “Mwebweho mwahawe kumenya ubwiru bw’ubwami bwo mu ijuru ariko bo ntibabihawe, kuko ufite wese azahabwa kandi akarushirizwaho, ariko udafite wese azakwa n’icyo yari afite Igituma mbigishiriza mu migani ni iki: ‘Ni uko iyo barebye batitegereza, n’iyo bumvise batumva kandi ntibasobanukirwe.’ Ndetse ibyo Yesaya yahanuye bibasohoyeho ngo‘Kumva muzumva, ariko ntimuzabisobanukirwa,Kureba muzareba, ariko ntimuzabibona. Kuko umutima w’ubu bwoko ufite ibinure,Amatwi yabo akaba ari ibihurihuri,Amaso yabo bakayahumiriza,Ngo batarebesha amaso,Batumvisha amatwi,Batamenyesha umutima,Bagahindukira ngo mbakize."

Ikibazo kidufasha kurushaho gusobanukirwa: Ibyo nsomye birambwira ibya NDE, kandi biranyigisha IKI?

Ubusobanuro bw’umusomyi:

Abigisha byinshi, abacira imigani (3): Inyigisho za Yesu ntizari zicyakirwa neza mu masinagogi aho Abafarisayo n’abanditsi babaga bateraniye. Byatumye ahindura imikorere, atangira ubutumwa bwe ku karubanda no mu mazu y’abantu. Ubutumwa bwiza nta hantu runaka bugenewe kuvugirwa n’aho butagenewe. Gushyira inyigisho ze mu migani, ni ukugira ngo bamwe aho bazakangukira bazazisange, abandi bazirwanya babure uko bazigoreka. Yesu yerekanye ko “abwirwa benshi, akumvwa na bene yo”. Umubibyi yasohoye imbuto (3): Umuhinzi kugira ngo abone umusaruro mwiza kandi mwinshi, hari ibintu by’ingenzi agomba kwitaho: 1. Gutegura umurima we neza, 2. Gutoranya imbuto nziza, 3. Kubibira igihe, 4. Gukurikiza uburyo bwo gutera imbuto neza. Ibi ubikurikije neza wabona umusaruro wifuza. Zirikana : Ibyonnyi, ibyumisha, ibiniga ibimera, utarebye neza byatuma urumbya kandi ntacyo utakoze. Ibyo kandi bizahoraho kugeza Yesu agarutse. Urakora iki kugira ngo umurimo w’Imana ukora were imbuto nziza, nyinshi kandi ku gihe? (Yoh.15.16,17).

UWIMANA Ange Victor
Tel: (+250)788552883, (+250)725151463
Email: [email protected]