UMURIRO UTAZIMA IGIHANO CYO KWIRINDWA_ Igice cya 2 Inyigisho ya Theophile DUSABEYEZU

Mu nyigisho ibanza twari twabasezeranije ko tuzarebera hamwe icyo Bibiriya iwuvugaho iki ku umuriro utazima, mu ri iki gice cya kabiri turizera ko turushaho kumenya byinshi tumenye uko iwusobanura ndetse tunarebe niba koko ni bande bazawubamo?

Dusome: Abaheburayo 10:26-27 “Niba dukora ibyaha nkana tumaze kumenya ukuri ntihaba hagisigaye igitambo cy’ibyaha keretse gutegereza umuriro w’inkazi uzarya abanzi b’Imana”.

I. Ibisobanuro

1. Bibiliya Ivuga ko utazima kandi ibiremwa birimo bidapfa: Mariko 9:43-44

Yesu yaragize ati: “Ukuboko kwawe nikugucumuza uguce. Ibyiza ni uko wakwinjira mu bugingo usigaranye ukuboko kumwe, biruta ko wajya muri Gehinomu y’umuriro utazima ufite amaboko yombi, aho urunyo rwaho rudapfa n’umuriro ntuzime.”

2. Ivuga ko ari ahantu ho kubabarizwa: Luka 16:27-28

Nawe ati: “ndakwinginze sogokuru ngo nibura umwohereze kwa data, kuko mfite benedata batanu ababurire kugira ngo nabo batazaza aha hantu ho kubabarizwa cyane.

3. Ni ahantu ho kuririra no guhekenya amenyo: Matayo 13:41-42

Umwana w’umuntu azatuma abamarayika be, bateranye ibintu bigusha byose n’inkozi z’ibibi babikure mu bwami bwe, babajugunye mu itanura ry’umuriro. Niho bazaririra bakahahekenyera amenyo.

4. Bibiriya kandi iwita umuriro w’inkazi uzarya abanzi b’Imana Abaheburayo 10:26-27)

Niba dukora ibyaha nkana tumaze kumenya ukuri ntihaba hagisigaye igitambo cy’ibyaha keretse gutegereza umuriro w’inkazi uzarya abanzi b’Imana.

II. Ni bande bazajya mu muriro utazima ?

1. Satani n’abamarayika be _Matayo 25:41

…... “nimuve aho ndi mwa bivume mwe, mujye mu muriro w’iteka watunganirijwe umwanzi n’abamarayika be (abadayimoni).

2. Urupfu n’ikuzimu. _Ibyahishuwe 20:14

Urupfu n’ikuzimu bijugungwa muri ya nyanja yaka umuriro, iyo Nyanja yaka umuriro niyo rupfu rwa kabiri.

3. Umuntu utanditswe mu gitabo cy’ubugingo: Ibyahishuwe 20:15

Kandi umuntu wese utabonetse ko yanditse mu gitabo cy’ubugingo, ajugunywa muri iyo Nyanja yaka umuriro.

4. Ibyahishuwe 21:8 Ariko abanyabwoba n’abatizera n’abakora ibizira n’abicanyi n’abasambanyi n’abarozi n’abasenga ibishushanyo, n’abanyabinyoma bose umugabane wabo uzaba mu Nyanja yaka umuriro n’amazuku ariyo rupfu rwa kabiri.

5. Ibyahishuwe 22:15 Hanze hazaba imbwa n’abarozi n’abasambanyi n’abicanyi n’abasenga ibishushanyo n’umuntu wese ukunda kubeshya akabikora.

Mu gice cya nyuma tuzareba umusozo n’Inama ijambo ry’Imana ritugira.