Stephen Musick yabonye Yesu ubwo yari ari muri koma

Stephen Musick avuga ko yabonye Yesu igihe yari aremerewe n’uburwayi akagera muri Koma(Igihe umuntu aba adatekereza ariko umutima ugitera). Avuga ko yabonaga urupfu rwamusatiriye cyane ariko Yesu aramukiza none arashima Imana.

Stephan Musick amaze igihe akorera mu itsinda ry’agisirikare rirwanira mu mazi, nyuma yo kumukingira indwara y’ibicurane, kandi ku basirikare barwanira mu mazi ni ibisanzwe kuko urwo rukingo basanzwe baruhabwa kenshi bitewe no kumara igihe kinini mu mazi rwamugizeho ingaruka bituma agera ku muryango w’urupfu.

Nyuma yo kwitabwaho n’abaganga mu gihe cy’ukwezi byanze kugira icyo bitanga ahubwo ubuzima bwe burushaho kugenda buba bubi bigera ubwo ajyanwa ahavurirwa indembe ajya muri koma amaramo ibyumweru bitanu.

Stephen avuga ko nyuma yo kujya muri koma yajyanwe mu ijuru, abonana na Yesu, abona ishusho yaho yumva amajwi yaho, ndetse agira umugisha wo kuganira na Yesu, ndetse yumva umutima we wuzuye umunezero n’ibyishimo byinshi kubwo kuganira na Yesu.

Stephen yongeraho ko byamwongereye kwizera ndetse arabohoka kubwo kubonana na Yesu.
mu buhamya bwe avuga ko yamubonye ari ahantu hameze nko mu mirima y’ingano ndetse hakikijwe n’imisozi myinshi abonana ubwiza bwe burabagirana, abona ameze nk’umusore w’imyaka nka 30.

Ariko nyuma yo kubonana na Yesu Stephen avuga ko yababajwe no kumva Yesu amubwira ko atari bugume mu ijuru, nyuma yo kuvuga iryo jambo yisanze yagarutse mu mubiri ari ku isi mu buzima busanzwe.

Stephen avuga ko ubwiza yahabonye atabona uko abugereranya kuko ntabundi bwiza giyeze abona bumeze nkabwo.

Infochretienne.com
Tuyishime [email protected]