Sobanukirwa byinshi ku mizabibu.

Iyi nkuru iragufasha gusobanukorwa byinshi wajyaga wibaza ku mizabibu, harimo inkomoko y’imizabibi,amoko y’imizabibu, intungamubiri ziboneka mu mizabibu, umumaro igirira uwayiriye, ndetse n’uburyo butandukanye wayitegura ku ifunguro.

Imizabibu ni imbuto zikomoka muri Amerika y’amajyaruguru, zamenyekanye cyane,bitewe n’umutobe wa vino zitanga, uzwi cyane, ndetse ukoreshwa n’abatari bake ku isi.Imizabibu yigaragaza mu mabara atandukanye, ariko kugeza ubu akunze kugaragara mu bice bitandukanye ni atatu(3), ariyo: umutuku,ubururu bwijimye ndetse n’icyatsi kibisi.

Imizazibu benshi bayizi ku izina ry’umwamikazi w’imbuto, kuko ifitiye umubiri umumaro ukomeye cyane, ndetse ikaba ikungahaye ku ntungamubiri nyinshi, mbese bisobanuye ko umuzabibu ari urubuto ruhebuje izindi.

Dore intungamubiri ziboneka mu mizabibu.

Imizabibu ni imbuto z’ingenzi cyane ku buzimwa bw’ikiremwamuntu,bitewe nuko zikungahaye ku ntungamubiri zitandukanye,nkuko tubikesha ikinyamakuru www.medicalnewstoday.com, gitangaza ko mu kirahuri kimwe cy’umutobe gikorwa n’imizabibu 32, kiba kigizwe n’ibivumbikisho bingana na 104(104 calories), inyubakamubiri garama 1.09(1.09 of protein), ibinyamavuta (fat)bigana na garama 0.24.

Dore ibindi dusanga mu mizabibu:

 Amazi ahagije
 Vitamine C,A, na K
 Imyunyungugu nka Potasium,iron,ubutare, calicium, manganese, magnesium ndetse na selenium.
 Uturemangingondodo(fibres)
 Ibinyabutabire bitandukanye nka Antioxidant,lutein,xe….
Ibi byose bigira icyo bifasha mu mubiri w’ikiremwamuntu, nkuko turi bugende tubigaragaza hasi.

Dore umumaro w’imizabibu ku buzima.

Imizabibu ifitiye umubiri wacu umumaro ukomeye, ikindi nuko nkuko twabonye ko ifite amabara atandukanye, ninako igiye itandukanye mubyo ikora.
Tugiye kugenda tuvuga umumaro w’imizabibu ku buzima bw’ikiremwa muntu ndetse tunagaragaze, ibiwushoboza kugira uwo umumaro.
 Kurya imizabibu birinda kuba wagira ikibazo cy’umwuma, bitewe nuko imizabibu iba ifite amazi ahagije, ibyo bifasha uwayiriye kuba ntaho yahurira n’ikibazo cyo kubura amazi mu mubiri (umwuma).
 Imizabibu igabanya ibyago byo kurwara kanseri zitandukanye, bitewe nuko imizabibu ikungahaye ku binyabutabire bitandukanye nka antioxidant na polyphenol, ibi byose bifasha mu kurinda no kugabanya ibyago byo kurwara kanseri zitandukanye.
 Imizabibu ifasha mu kubungabunga ubuzima bw’umutima,ibishobozwa no kuba ikungahaye ku myunyungugu nka potassium,magnesium ndetse n’uturemangingondodo, ibi byose bifasha mu kurinda umutima ibibazo bitandukanye, ikindi nuko vitamine K, iboneka mu mizabibu, ifasha maraso gutembera neza mu mubiri, ikayarinda kwipfundika no kuvura.
 Imizabibu ifasha mu kugabanya ibyago byo kurwara Diyabete yo mu bwoko bwa kabiri(Diabete type II), ubushakashatsi bugaragaza ko umutobe utangwa n’ibishishwa by’imizabibu, ufasha mu kuringaniza isukari mu mubiri.
 Kurya imizabibu byongera ireme ry’ubwirinzi kamere.
 Imizabibu ifasha impyiko gukora neza ndetse ikanazirinda kwangirika no kurwara indwara zifata impyiko.
 Imizabibu ifasha mu kubungabunga ubuzima bw’amaso, ndetse no kuyarinda ubuhumyi, ibishobozwa no kuba ikungahaye kuri vitamine A.
 Imizabibu irinda amenyo kwangirika, ikayafasha gukomera no kugira ubuzima bwiza, kuko ikungahaye kuri calicium.
 Imizabibu ifasha mu kurinda indwara zitandukanye, murizo twavugamo nk’ubuhema, umutwe w’igihande kimwe(migraine), Alzheimer’s diseases, n’izindi.
 Imizabibu ifasha mu kuringaniza urugimbu mu mubiri.
Dore uburyo butandukanye wateguramo imizabibu ku ifunguro:
- Imizabibu ushobora kuyikoramo umutobe
- Imizabibu ushobora kuyitegura kuri salade hamwe n’izindi mbuto
- Imizabibu kandi ushobora kuyirya yonyine nk’imbuto, ukayirya haciye igihe gito uyisaruye ndetse wanayisukuye.

Source:www.medicalnewstoday.com
[email protected] Agakiza.org