Sobanukirwa Sirozisi(Cirrhosis) n’uburyo bwo kuyirinda.

Iyi nyandiko iragufasha gusobanukirwa Cirrhosis icyo aricyo,ibiyitera,ibimenyetso biranga uyifite ndetse n’ibyo wakora ukagabanya ibyago byo kuyirwara.

Cirrhosis ni ikibazo kiba ku mwijima,kikabaho igihe umwijima wangiritse ndetse utanabasha gukora imirimo yawo.Ubusanzwe umwijima ni urugingo runini kandi rw’ingenzi cyane mu mubiri w’umuntu,rukora imirimo myinshi kandi ikomeye, muriyo twavugamo nko kubika isukari na vitamine byifashishwa mu gutanga imbaraga,zituma umubiri ukora neza,gusohora uburozi mu mubiri,gusukura amaraso, n’ibindi.Iyi cirrhosisi rero ibaho iyo umwijima wangiritse ndetse utakibasha no gukora neza.

Ese koko ni ibiki bitera Cirrhosis?

Nkuko tubikesha ikinyamakuru kitwa www.healthline.com gitangaza ko zimwe mu mpamvu nyamukuru zishobora gutera cirrhosis mu bihugu bitandukanye cyane cyane mu bihugu byo ku mugabane wa Amerika, harimo:gukoresha ibiyobyabwenge igihe kirekire,kuba ufite uburwayi bwa Hepatite C, kuba ufite umubyibuho ukabije nabyo ngo bishobora kongera ibyago byo kugira iki kibazo.

Dore bimwe mu bimenyetso biranga umuntu ufite ikibazo cya Cirrhosis?

Ibimenyaetso bya cirrhosisi bibaho igihe umwijima utari kubasha gusukura amaraso ndetse no kuyakuramo imyanda, gufasha igogora, n’ibindi.ibyo ni bimwe mu biranga umuntu ufite iki kibazo.

Dore ibindi bimenyetso harimo:
 Kubyimba inda
 Gutakaza ubushake bwo kurya
 Kuva imyuna bihoraho
 Guhorana iseseme
 Intege nke n’umunaniro bikabije kandi bihoraho
 Gutakaza ibiro byinshi mu gihe gito
 Impinduka zigaragara ku ruhu
 Guhinduka ibara ry’uruhu rukaba umuhondo
 Gutakaza ubushake n’ubushobozi bwo gukora imibonano
 Kubyimba amaguru

Mu gihe ubonye bimwe muri ibi bimenyetso, uba ugomba kwihutira kwa muganga, bakagufatira ibizamini,bakareba uko ubuzima bw’umwijima wawe buhagaze.

Dore ibyo wakora ukaba ugabanije ibyago byo kurwara Cirrhosis.

 Kwirinda gukora imibonano mpuzabitsina, n’abantu benshi ndetse idakingiye, kuko bigabanya ibyago byo kurwara hepatite B na C
 Gufata urukingo rwa Hepatite B na C
 Kwirinda kunywa inzoga, ndetse wanabishobora ukazireka.
 Kuboneza imirire,ndetse ukihata kurya bimwe mu biribwa bisukura umwijima, cyane cyane ibikungahaye kuri vitamine C.muribyo twavugamo nka Pome, indimu, amacunga, ibitunguru cyane cyane tungurusumu, avoka, n’ibindi.
 Kuzibukira ibiyobyabwenge, n’ibindi bisindisha
 Kwirinda kongera ibiro kuko bishobora kukongerera ibyago byo kugira umubyibuho ukabije,imbarutso mu kurwara indwara zitari zimwe,ndetse zimwe murizo zikagira ingaruka mbi ku mwijima.
 Kwirinda kurya amavuta n’umunyu byinshi, kuko abangamira imikorere y’umwijima.

Mu nyandiko itaha tuzabagezaho zimwe mu ngorane zizanywa no kurwara cirrhosis,ntimuzacikwe.

Source: www.healthline.com
[email protected]