Shaka uko ibyo ukora n’ibyo ugambirira Imana ibibonamo inyungu urebe ngo iragukiza agahinda nka Hana-Ev Asiimwe Fred

1 Samweli 1:26 "Uwo mugore aravuga ati “Nyagasani, ndahiye ubugingo bwawe, ni jye wa mugore wari uhagaze iruhande rwawe bwa bundi nsaba Uwiteka."

Hari ibintu nize bikomeye kuri Hana nongeye gusoma iki gice kirimo inkuru y’ivuka rya Samweli. Ni inkuru abantu benshi tuzi ko Hana Imana yari yaramuzibye inda ibyara kandi abana na mukeba we Penina wabyaraga.

1.Hana yari afite ibihora bimwibutsa agahinda ke ku mpande zombi, kuri Elukana umugabo we na Penina kuko ngo Elukana yatambaga ibitambo yahaga Penina imigabane n’abahungu be n’abakobwa be ariko Hana yamuhaga imigabane ibiri gusa ibi bigahora bimwibutsa ikibazo yari afite na mukeba we atamworoheye.

2.Yamenye uwo abwira ikibazo ke n’uko akivuga. Iyo Imana uyisaba ibintu ifitemo inyungu yareba mu mutima wawe ikabona ariko biri igasanga kugusubiza ibifitemo inyungu. Twicwa n’uko dusaba iby’irari ryacu, Hana yemereye Imana ko umwana we azayikorera imusubiza ubwo. Shaka uko ibyo ukora ibibonamo inyungu urebe ngo irabana nawe.

3.Abantu bitiranya imisengere yawe no gushoberwa bakagukomeretsa. Hana yabwiwe n’umutambyi ko afite isindwe ariko uzi icyo ashaka yikomeza ku Mana. Aho kubivuga cyane wabisengera cyane. Amagambo n’agashinyanguro byamusunikiraga ku Mana. Twe mu bibazo no kwisengera biratunanira kandi ntawamenya agahinda ufite nkawe, koresha amagambo yawe uyibwire nubwo gufashwa mu isengesho ari byiza ariko Imana ikeneye kukumva nawe, suka umutima wawe imbere yayo.

4. Akanwa ka Eli kavuze isindwe rya Hana niko kasabye Imana ko yamusubiza. Ahari amagambo y’urucantenge Imana yahakoresha ibyubaka umutima wawe iteka numenya uko witwara mu kibazo.

5.Imana yarebye umutima uciye bugufi wa Hana mu kibazo yari afite iramwibuka. Kenshi dutinda mu kibazo kubera kutagisobanukirwa no kutakimenya n’ibigishamitseho nuko twakitwaramo imbere y’Imana n’abantu, turimbuwe no kutagira ubwenge. Hari ubwenge bwa buri kibazo urimo, usabe Imana iguhishurire.

Nyuma Hana asubira kwa Eli ati ni njye wa mugore ni nko kumubwira ko yagarukanye ishimwe asenga iri risengesho risa n’indirimbo: 1 Samweli 2:2-7 “Nta Wera nk’Uwiteka, kuko nta yindi Mana itari wowe,Kandi nta gitare kimeze nk’Imana yacu. Ntimukongere kuvuga iby’ubwibone bikabije bityo,Ntimukabe abanyagasuzuguro mu byo muvuga,Kuko Uwiteka ari Imana izi byose, Kandi ari yo imenya urugero rw’ibyo abantu bakora.

Imiheto y’intwari iravunitse,Kandi abasitaye bakenyerana imbaraga. Abari abakungu baraca incuro,Kandi abari abashonji baradamaraye.Ndetse uwari ingumba yabyaye karindwi,Kandi uwabyaye benshi aracebye. Uwiteka arica, agakiza,Ashyira ikuzimu kandi agakurayo. Uwiteka arakenesha agakenura,Acisha bugufi agashyira hejuru.

Kuko ari nta muntu uzaneshesha amaboko ye muze twisunge Umuremyi, Imana iguhe umugisha
ASIIMWE Fred,