Pomme imwe ku munsi yirukana muganga

Abahanga mu by’ubuzima bavuga ko urubuto rwa pomme ari ingirakamaro ku buryo hari umugani wo mu gifaransa uvuga ngo “une pomme par jour chasse le médécin” mu Kinyarwanda bisobanura ko “pomme imwe ku munsi yirukana muganga” bikaba bishatse kuvuga ko iyo urya pomme imwe ku munsi ntaho ushobora guhurira na muganga kuko udashobora kurwara.

Pomme ni urubuto rutamenyerewe cyane mu Rwanda, bitewe n’uko rutaboneka ahantu henshi. ariko n’aho ruboneka nko mu mijyi, usanga abantu batitabira cyane kurugura, kuko bashobora kuba badasobanukiwe n’akamaro karwo.

Ubushakashatsi bwakozwe n’abahanga mu by’ubuzima bo muri amerika bugaragaza ko kurya imbuto za pomme ebyiri ku munsi bigabanya ibinure mu mubiri ho 24% bikaba byarinda uwayiriye kurwara indwara y’isukari ndetse n’umubyibuho ukabije.

Amakuru dukesha ikinyamakuru cyitwa academy of nutrition and dietetics avuga ko ubu bushakashatsi bwakorewe ku bagore 160 batakibyara kuko ari bo bakunze guhura n’indwara z’umutima, abagore 80 bafataga pommes ebyiri ku munsi naho abandi 80 bagafata izindi mbuto, mu mezi atandatu baje gusanga abafataga pommes ari bo bagabanije ibinure ho 24% naho abandi nta kigeze gihinduka.

Ibintu by’ibanze bigize pomme

Pomme igizwe n’amazi kuva kuri 84% kugeza kuri 93%. 1,30% : sucres réducteurs,
Ikagira na Esters (amyle, formique, acétique, caproïque na aldéhyde acétique, géraniol

Ibitera ingufu(Valeur calorique) biri hagati ya 80-124 kcal kuri garama (gr)100 ibyo bigaterwa n`ubwoko bwazo.

Ifasha kandi gusohora inkari (diurétique), ifasha kwirukana ibyitwa urea mu mubiri (uricolitic= élimination de l’urée),

Ifasha umubiri gukomera (tonique), isukura mu mubiri (dépuratif), yica udukoko two mu mara (antiseptiques intestinaux), igabanya ibyitwa cholésterol,

Indi mimaro ya pomme

1. kurya pomme bituma amenyo aba umweru kandi bikayarinda uburwayi.

2. kurya pomme birwanya indwara yo gusaza k’ubwonko (Alzheimer)

3. Umuntu urya pomme ku buryo buhagije aba afite amahirwe angana na 23% yo
kutarwara kanseri

4. Abagore barya pome nibura imwe ku munsi baba bafite 28% by’amahirwe yo
kutarwara diyabete z’ubwoko bwose

5. pomme ifite akamaro ko kurinda umuntu uburwayi bw’impindura (gallbladder) kuko
igabanya cholesterol itera ubu burwayi mu mubiri

6. pomme irinda ibibazo byose umuntu yahura na byo birimo kurwara mu nda, kwituma ibikomeye nko gucibwamo cyangwa constipation.

Pomme iribwa ari mbisi, cyangwa igakorwamo umutobe (jus, juice), cyangwa igashyirwa muri salade y’imbuto, ishobora kandi no gutekwa mu ifuru (four).

Source: academy of nutrition and dietetics

Liliane [email protected]