Pasika ni iki? Ev. Kiyange Adda Darlene

Kuva 12: 11
"Uku abe ari ko muzazirya: muzazirye mukenyeye, mukwese inkweto, mwitwaje inkoni, muzazirye vuba vuba. Iyo ni yo Pasika y’Uwiteka."

Ijambo Pasika Uwiteka niwe warizanye bwa mbere aribwira aba Israeli. Pasika ni ijambo rya kera mu gihe Abisirayeli bari bari mu buretwa mu gihugu cya Egiputa.
Umunsi wo guhaguruka muri Egiputa bajya i Kanani Imana yabategetse kurya umwana w’intama babaze maze amaraso yayo bayasiga ku nkomanizo z’imiryango yabo kugira ngo Malayika murimbuzi abatambukeho abonye icyo kimenyetso ku muryango.

Imana yishe abana bose b’imfura bo muri Egiputa ndetse n’amatungo y’uburiza. Abisirayeli bakizwa n’amaraso y’umwana w’intama bari basize ku nkomanizo z’imiryango yabo.

Guhera icyo gihe Imana yatanze itegeko ko Pasika izajya yubahirizwa ikizihizwa.
Umunsi wa Pasika rero si mushya habe namba. Urupfu rwa Yesu rwabaye mu gihe Abisirayeli bari bari kwizihiza uwo munsi Imana yabategetse. Yesu yabihuje n’urupfu rwe kuko bifitanye isano.

Yesu yitwa Umwana w’intama w’Imana watambwe. Yesu yaje mu rwego rwo gukura abantu mu buretwa. Amaraso ye yadukuye mu bubata bwa Satani.
Kuki Yesu batamuvunnye amaguru ku musaraba kandi ko bari babyifuje?

Kuva 12: 46
Bye gukurwa mu nzu ngo bijyanwe mu yindi. Ntugasohokane n’intongo y’iyo nyama, kandi ntimukavuneho igufwa na rimwe.
Mu mabwiriza yo kurya uwo mwana w’intama ntabwo bagombaga kuvuna igufa na rimwe.
Itorero ni umubiri wa Kristo ntawarivuna. Imana ishimwe.

Imana ibahe umugisha mukomeze kwishimira gutambwa k’umubiri wa Kristo ariwe Ntama w’Imana.

Umunsi mwiza.