Nyuma y’imyaka 15 Korali Impuhwe ibuze abari abaririmbyi bayo 12, yateguye igiterane cyo kubibuka

Hashize imyaka 15 Korali impuhwe ikorera umurimo w’Imana mu Ntara y’Iburengerazuba mu karere ka Rubavu mu itorero rya ADEPR , Paruwasi ya Gisenyi , ibuze abari abaririmbyi n’abaterankunga bayo 12 mu mpanuka yabasanze mu rugendo rw’ivugabutumwa ubwo berekezaga mu ntara y’amajyepfo.


Korali Impuhwe mu myiteguro

Amakuru dukesha ikinyamakuru igihe.com avuga ko umuyobozi w’iyi korali RUZINDANA Gad yatangaje ko hateguwe igiterane cy’iminsi irindwi cyo kwibuka abahitanywe n’iyi mpanuka, kizatangira Kuva ku italiki ya 24 kugera kuya 30 Nyakanga 2017, kikazabera ku rusengero rwa ADEPR Gisenyi aho bakorera umurimo w’Imana.

Korali impuhwe irateganya kuzafatanya na Korali Mama Jussi izaturuka mu gihugu cya Tanzaniya , itsinda ry’abaririmbyi bazaturuka muri Kenya , na Korali Bethlehem ya ADEPR Rubavu, iki giterane ngo kizabwirizamo abavugabutumwa batandukanye barimo Rev. Masumbuko Josue , Ev. Pascal Barakagira, n’ubuyobozi bw’Itorero rya Pantekote mu Rwanda ADEPR.


Korali Mama Jussi yo muri Tanzania izaba ihari


Korali Bethlehem ntizahabura

Mu isozwa ry’iki giterane nibwo hazakorwa igikorwa cyo kwizihiza isabukuru y’imyaka 15 ishize abari abaririmbyi ba Korali Impuhwe batabarukiye muri iyi mpanuka. Hakazanamurikwa igitabo gikubiyemo amateka ya Korali Impuhwe n’ibitaravuzwe kuri iyi mpanuka.

Liliane [email protected]