Niki twakigira kuri malayika wakomeje Yesu igihe yasengeraga ku musozi?

Abamalayika bagenda bagaragara mu bihe bitandukanye muri bibiliya. Bagaragaye na none mu buzima bw’Umwami wacu Yesu Kristo. N’ubwo Umwami Yesu yabayeho mbere yabo, abamalayika ni bo bamenyesheje ukuvuka k’Umwami n’Umukiza, wavutse ku mugore Mariya-umubyeyi we wo ku isi(Luka1:26-28) na Yosefu nka papa we (Matayo1:19-21) bakabimenyesha n’abashumba(Luka2:8-20)

Abamalayika na none baje kumukorera ubwo umwanzi wamugeragezaga yari amaze kugenda(Matayo4:11),no mugihe yari amaze kugambanirwa, yari afite ububasha bwo gusaba abamalayika bakaza kumurwanirira (Matayo26:53).
Umumalayika ni we waje abirindura igituro cyarimo Yesu(Matayo28:2), maze abwira abagore bari baje ku gituro ko yazutse, ni nabo(abamalayika) bagaragaye ubwo yazamukaga ajya mu ijuru.(Ibyakoz1:10)
Umumalayika na none yagaragaye ikindi gihe cy’ingenzi mu mateka- mbere yo kugambanirwa kwa Yesu, igihe yasengeraga ku musozi wa Elayono.
Muri Luka22: 41- 44 hatubwirako Kristo Kristo yasenganaga umubabaro igihe umumarayika yamusangaga:
“Atandukana na bo umwanya ureshya n’ahaterwa ibuye, arapfukama arasenga ati “Data, nubishaka undenze iki gikombe, ariko bye kuba uko nshaka, ahubwo bibe uko ushaka.” Marayika uvuye mu ijuru aramubonekera, amwongera imbaraga kuko yari ababaye bikabije, asenga cyane, n’ibyuya bye byari bimeze nk’ibitonyanga by’amaraso bitonyanga hasi.(Luka 22:41-44)

Aya ni amwe mu masomo dukwiye kwigira kub’abamalayika bagaragaye mu gihe cy’ubuzima bwa Kristo hano ku isi:

1.Abamalayika ni abakozi b’Imana

Ku ikubitiro abamalayika ni abakozi b’Imana . Ntitwabagereranya n’Imana gusa nabo bafite ubushobozi n’umurimo ukomeye mu ijuru. Ariko bamwe biha gusenga abamalayika(Abakolosayi2:18).Ibi sibyo ndetse n’abamalayika b’Imana ntibifuza ko babaramya(Ibyahishuwe22:9). Muri make abamalayika ni abakozi b’Imana boherezwa kuzuza ubushake bw’Imana.

2. Abamalayika baza kudukomeza no kutwongerera imbaraga igihe tuzikeneye

Nk’uko twabibonye hejuru, abamarayika bagiye baboneka inshuro nyinshi mu buzima bwa Kristo hano ku isi, cyane cyane igihe yasangaga Yesu asenga ababaye akamwongerara imbaraga.

Luka22:43 hatubwirako marayika ‘yongerereye imbaraga’Kristo igihe yari afite umubabaro.Yari afite umubabaro mwinshi cyane “…..n’ibyuya bye byari bimeze nk’ibitonyanga by’amaraso bitonyanga hasi.”(Luka 22:44)
Kristo yagize guhangayika muri kiriya gihe kuko yari azi nezako agiye guhura n’akaga no kurenganywa n’umubabaro mwinshi kugira ngo aducungure, nibwo umumalayika yaje kumukomeza no kumwongerera imbaraga.

Bibiliya itubwirako Satani yari umumalayika waguye kubera icyaha.Satani yagushije n’abandi , maze bose bacibwa mu ijuru(Yesaya14:12-15, Ezekiyeli28:16, Ibyahishuwe12:4, 7-9).

Kugeza ubu umwanzi ahora ashakisha uko yakwiba, ya kwica no kurimbura(Yohana10:10).Intego ye ni ukutugusha mu cyaha kugirango tuzarimbukane na we. Satani akoresha amayeri atandukanye akihindura malayika w’umucyo kugira ngo ayobye benshi(2Abakorinto11:14)

Bibiliya igaragaza uko twamenya marayika uturutse ku Mana .
“Iki abe ari cyo kibamenyesha Umwuka w’Imana: umwuka wose uvuga ko Yesu Kristo yaje afite umubiri ni wo wavuye ku Mana, ariko umwuka wose utavuga Yesu utyo ntiwavuye ku Mana, ahubwo ni umwuka wa Antikristo, uwo mwumvise ko uzaza kandi none umaze kugera mu isi.(1Yohana4:2-3)

Abamalayika b’Imana bahora basingiza Imana, bahora badushishikariza gushima Imana no gukora ibiri mu bushake bwayo.

Sophie @Agakiza.org