Ni rihe somo twakura ku kiganiro Byiringiro na Mukiristo bagiranye mu rugendo?

Aka gatabo k’umugenzi, kanditswe na John Bunyan, umwongereza wavukiye mu muryango w’abakene muri 1928, Ise yari umucuzi kandi na we amaze gukura umwuga w’ubucuzi niwo yakoze. Muri aka gatabo havugwamo abantu benshi bagiye bagirana ibiganiro na Mukristo, hari abamukomeje n’abamuciye intege.

Ntabwo turi buvuge ku mateka y’uwanditse aka gatabo kuko hari ubundi twigeze tubivugaho mu nkuri yatambutse(http://agakiza.org/?DUSOBANUKIRWE-AGATABO-K-UMUGENZI-Igice-cya-mbere-Donna-Joel).

Uyu munsi turavuga ku buhamya bwa Byiringiro umwe mu bagenzi bajyanye na Mukiristo ndetse bagahura n’ibicantege. Twashatse kumenya inyigisho umukristo yakura mu kiganiro Byiringiro yagiranye na Mukirisito.

1.Nkuko bigaragara ku ipaji 133 by’aka gatabo,Byiringingiro yatangiye guha ubuhamya Mukristo nyuma y’uko bahuye na Muhakanamana abemeza ko ururembo Siyoni berekezagaho rutabaho kandi ko amaze igihe kirekire cy’imyaka 20 mu nzira, atigeze abona urwo rurembo(Umubwiriza10:15), nibwo kubagira inama yo gusubira inyuma ariko Byiringiro avuga neza aya magambo ati “Irinde; ni umuriganya.

Ntiwibuka umubabaro twatewe no kumvira abahwanye nawe? Harya agize ngo nta musozi Siyoni uriho! Ubwo twari kuri ya misozi y’igikundiro, ntitwitegeye irembo ry’urwo rurembo? Kandi ntitwategetswe kugenda tuyoborwa no kwizera? (2 Abakor 5:7). Dukomeze urugendo kugira ngo wa muntu ufite ikiboko atongera kudusanga. Icyiza ni uko uba wanyigishije aya magambo ngiye kukubwira ngo Mwana wanjye, reka gupfa kumva ibyo ubwirizwa ngo wiyibagize amagambo y’ubwenge (Imigani 19:27). Nuko natwe turorere kumwumva, ahubwo twizere kugira ngo dukize ubugingo bwacu (Abaheb 10:39).

Hano bitwerekako umukirisito nyawe agomba kugira icyerekezo kizima kiganisha ku Mana kandi ntacibwe intege n’ikibonetse cyose cy’incamugongo ahubwo akwiye guhamya ibyiringiro bye mu kwizera guturuka mu byanditswe byera n’ubuhamya bw’ibyo yaciyemo.

2. Bakomeje urugendo bagera mu gihugu, ikirere gituma umunyamahanga ukijemo ashaka gusinzira. Byiringiro atangira kuremererwa n’ibitotsi, abwira Mukristo ati: Ndemerewe n’ibitotsi cyane, ndabumbura amaso binduhije cyane; reka turyame hano, dusinzire ho gato.

Ibi bitwereka ko umukristo wese akwiye gushaka uwo yizeyeko bafitanye urugendo rumwe, umwe azajya agisha inama, akamubwira intege nke agize akamufasha gusenga kandi akamubwiza ukuri kuko kugaragagaza intege nke n’umunaniro uturutse ku rugendo byatumye Mukirisito amugira inama nziza, amwibutsako baramutse basinziriye muri icyo gihugu batari gukanguka. Amwibutsa ibyo babwiwe byo kwirinda Igihugu kiroga. Ukwiye gushaka umuntu uzajya akwibutsa ibyo mwabwiwe kwirinda muri uru rugendo nk’uko Yesuwa na Kalebu babanaga bakibukiranya iby’urugendo banyuzemo bava muri Egiputa bajya I kanani.( (1 Abateso 5:6))

3.Mukirisito akimara kumwibutsa no kumuhugura, Byiringiro yagize ati: Nemeye icyaha cyanjye! Iyo mba njyenyine, mba nishyize mu kaga k’urupfu kubwo gusinzira. Mbonye yuko ibyo wa munyabwenge yavuze ari iby’ukuri ngo ababiri baruta umwe (Umubwiriza 4:9). Kugeza ubu kubana nawe kwambereye umwigisha, uzagororerwa neza imirimo yawe.

Umukiristo wese w’ukuri arangwa no guca bugufi, akemera kugirwa inama kandi akemera ikosa, akarisabira imbabazi.

4.Mukiristo yahise amusabako bahindura ikiganiro bakavuga ibyiza gusa kugirango bataganzwa n’ibitotsi, asaba Byiringiro ku mubwira impamvu z’ibyiringiro bye, icyamuteye gukora urugendo.

Byiringiro yamusubije ko icyamuteye gukora urugendo ari uko kubera ibyaha yakoraga yumvaga ko ntakindi byari kuzamurimbuza ngo iyo akomeza kubigumamo no kubana n’inshuti ze za kera, ubutunzi bwose bw’iyi si, yishimiraga cyane ibiganiro bibi no gusinda no kurahirira Imana ubusa no gutukana no kubeshya no gusambana no kwica isabato n’ibindi bisa bityo bishaka kurimbuza ubugingo bw’umuntu. Yumva ubutumwa bwiza kandi bwamubwiyeko amaherezo ya bya bindi ari urupfu (Abarom. 6:21-23), kandi ko ari byo bizanira umujinya w’Imana abatayumvira (Abefeso 5:6).

Dushingiye kuri Mukristo wasabye Byiringiro ko bahindura ikiganiro kugirango birinde kuza gufatwa n’ibitotsi. Ibi bitwerekako inshuti nziza ari imenya ibiganiro byiza, bizima bituma mwirinda kujya mu mwoshya kuko hariho ibiganiro byica ubugingo. Kandi ntabwo ibyaha bikwiye kuryohera umuntu kuko ibyaha Bizana urupfu rw’iteka ryose.

Byiringiro yakomeje abwira Mukiristo uko yaje gukizwa akakira Yesu, nuko yamwiyeretse, yamenye intege nke ze n’ibyaha bivanze n’ibyiza yakoraga byose.Yamenyeko Imana ibasha gutsindishiriza umunyabyaha ujya aho iri, ntice urubanza rubera. Iyo atewe isoni n’ibyaha bye bya kera, agarikishwa umutima n’uko amenye ko ntacyo yishoboreye.

Ibyo yahishuriwe byarushije ibyo yibwiraga uhereye kera kose kubona ubwiza bwa Yesu Kristo. Byatumye akunda ingeso zikwiriye abera, yifuza kugira icyo yakora ngo agwize icyubahiro n’ubwiza by’Umwami Yesu. Kandi yibwiye yuko iyo agira amaraso angana n’amazi yo mu nyanja, yayavusha yose ku bw’izina ry’Umwami Yesu.

[email protected]