Ni iki twakigira ku bami bayoboye Abayuda ?

Ubwo habagaho gucikamo kabiri ku bwami bwa Isirayeli, ubwo Umwami Yerobowamu wahoze ari umugaragu wa Salomo na Rehobowamu umwana wa Salomo batumvikanaga. Imiryango icumi yagiye mu majyaruguru isigara yitwa Abisirayeli, indi miryango ibiri ijya mu majyepfo yitwa abayuda(abayuda n’ababenjamini).

1. Rehobowamu: yayoboye imyaka 17, nawe ari mu bami bagomeye Uwiteka(1Abami12:1, 2 Ngoma 10:1)

2. Abiya:
Yayoboye imyaka 3, akora ibyangwa n’Uwiteka(1Abami 15:1, 2 Ngoma 13:1)

3. Asa: Yayoboye imyaka 41, akora ibishimwa n’Imana (1abami 15:9, 2 Ingoma 14:1)

4. Yehoshafati: Yamaze ku ngoma imyaka 25, akora ibishimwa mu maso y’Uwiteka (1Abami 22:41, 2 Ngoma 17:1)

5. Yoramu: Yayoboye imyaka 8, akora ibyangwa n’amaso y’Uwiteka (1Abami 22:50, 2 Ngoma 21:1)

6. Ahaziya: Yayoboye umwaka umwe gusa kandi nawe yari mu bami bakoze ibyangwa n’amaso y’Uwiteka. (2abami 8:24, 2Ngoma22:1)

7. Ataliya: Uyu ni nyina wa Ahaziya, Yakoze ibyangwa n’Uwiteka, kandi yikishijwe inkota n’;abaturage be yahoze ayobora(2abami11:1, 2Ngoma 22:10)

8. Yowasi: Yayoboye imyaka 40, akora ibishimwa n’Uwiteka , yasanye urusengero(2abami 11:4, 2Ngoma23:1)

9. Amasiya: Yayoboye imyaka 29, akora ibishimwa mu maso y’Uwiteka(1abami14:1, 2Ngoma25:1)

10. Uziya: yayoboye imyaka 52, akora ibishimwa mu maso y’Uwiteka (2Abami15:1, 2Ngoma 26:1)

11. Yotamu: Yayoboye imyaka 16 kandi yakoze ibishimwa n’Imana (2Abami 15:32, 2Ngoma27:1)

12. Ahazi : Yayoboye imyaka 16, akora ibyangwa n’Uwiteka(2abami15:38, 2Ngoma28:1)

13. Hezekiya : Yamaze ku ngoma imyaka 29 kandi nawe ari mu bami bake bakoze neza bashimwa n’Uwiteka abaha umugisha. (2abami18:1, 2Ngoma29:1)

14. Manase : Yamaze ku ngoma imyaka 55, akora ibyangwa n’amaso y’Uwiteka. (2abami21:1, 2Ngoma)

15. Amoni: Yamaze ku ngoma imyaka ibiri nawe ni umwe mu bami bakoze ibyangwa n’amaso y’Uwiteka. (2abami22:19, 2Ngoma33:21)

16. Josiya: yayoboye Abayuda imyaka 31 kandi yakoze neza ashimwa n’Imana. (2abami 22:1, 2Ngoma34:1)

17. Yehowazi: Yayoboye amezi 3, akora ibyangwa n’Uwiteka (2abami23:31, 2ngoma36:1)

18. Yehoyakimu: yategetse imyaka 11, yakoze ibyangwa n’Uwiteka.(2abami23:36, 2ngoma36:4)

19. Sedekiya: yamaze ku ngoma imyaka 11, akora ibyangwa n’Uwiteka (2abami24:7, 2ngoma36:11)

Abami 8 nibo bitwaye neza mu maso y’Uwiteka, abandi 11 bagiye bakora ibyangwa n’Imana. Nyuma y’umwami Yosiya nta kizere cyari gihari cy’uko ubwami bw’Ubuyuda buzongera kubaho kuko kubera kugomera Uwiteka bakora ibyangwa n’Uwiteka, Imana yahagurukize umwami w’I Baburoni atera i Buyuda arahatsinda, abanjyana ari abanyage, anasahura ibintu by’ubutunzi hari mu mwaka wa 586 mbere y’ivuka rya Yesu. Aba bami bose bayoboye mu gihe kingana n’imyaka 387 mbere y’ivuka rya Yesu.

Iyo umwami yitwaraga neza agatakambira Uwiteka, Imana yaramwumviraga , ikamugirira ibambe kuko Imana igira imbabazi n’urukundo kandi yo ntiyifuza kunaniza umuntu ahubwo ni abantu bananiye Imana.

Imana ihora yiteguye kumva umuntu wese uje uyigana adafite uburyarya. Imana yigeze ibwira Samweli ubwo yajyaga gutoranya Umwami mu muryango wa Yesayi ko itajya yita ku gihagararo cyangwa uburanga ahubwo yita ku mutima uciye bugufi hamwe abantu tutarebesha amaso. Imana ishakako wita ku muntu wawe w’imbere nibwo izakureba ikabona uruta ibikwerere n’ibishongore mu maso y’abantu. Abantu bashobora kuba batakuzi ariko Imana yo irakuzi.

Ibi bitwereka ko Imana yanga agasuzuguro, Yubaha uyubaha kandi birashobokako Imana yisubiraho ku cyo yagusezeranyije kubera imyitwarire waba ufite. Imana yanga ubwibone n’agasuzuguro, ikunda abayikunda kandi umuntu wese uyishakana umwete arayibona.

[email protected]