Ni iki kikumenyashako wahuye n’Imana ?

Abakirisito benshi bavugako iyo bahuye n’Imana, biyumvamo ibyishimo n’umunezero bidasanzwe.
Dawidi ubwe yagize ati " Uzamenyesha inzira y’ubugingo, Imbere yawe ni ho hari ibyishimo byuzuye, Mu kuboko kwawe kw’iburyo hari ibinezeza iteka ryose.." Zaburi 16:11

Niba kugirana ubusabane n’Imana bizana ibyishimo kubayibonyemo uburuhukiro, ntibivuzeko ari byo byonyine bizaranga umuntu wese uri mu busabane n’Imana.

Hari ikindi kintu umuntu yiyumvamo iyo ahuye n’Imana: Dutangira kumva ukwera kw’Imana, tugatangira kwibonaho ibyaha byacu iyo tugereranyije no kwera kwayo.

Dukwiye kwizera ko Imana ari urukundo kandi ko idukunda, abakirisito benshi bananirwa kumenya ugukiranuka no kwera kwayo. Bajya mu rusengero kuberako bumvako ari byiza kujya guhimbaza Imana, kumvako bajya aho baririmba gusa bakumva bibanyuze, aho usanga mu by’ukuri basa nkabashaka kwishyushya aho gushaka Imana ubwayo, no kumva amamwe mugambo y’Imana atuma barushaho kunyoterwa kuyishakana umwete.

Ubu ni bumwe mu buhamya abantu b’Imana batanze bamaze kubona kwera kw’Imana:

1.Umuhanuzi Yesaya

"Maze ndavuga nti “Ni ishyano, ndapfuye we! Kuko ndi umunyaminwa yanduye, kandi ntuye hagati y’ubwoko bufite iminwa yanduye, kandi amaso yanjye abonye Umwami Uwiteka Nyiringabo. ( Yesaya 6:5)

2.Yakobo amaze guhura n’Imana

"Yakobo yita aho hantu Penuweli ati “Ndebesheje Imana amaso, sinapfa." (Itangiriro 32:31)

3.Yobu yaratuye amaze kubona Imana

" Ibyawe nari narabyumvishije amatwi, ariko noneho amaso yanjye arakureba. Ni cyo kinteye kwizinukwa nkaba nihannye, nigaragura mu mukungugu no mu ivu.” Imana ikiza Yobu imushumbusha ibyo yari yarapfushije (Yobu 42:5-6)

4. Petero yihamije icyaha amaze kubona igitangaza cya Yesu
" Simoni Petero ngo abibone atyo yikubita imbere ya Yesu ati “Va aho ndi Databuja, kuko ndi umunyabyaha!” (Luka 5:8)

5.Pawulo yahombye iby’isi kubwo kwakira Yesu

" Nyamara ibyari indamu yanjye nabitekereje ko ari igihombo ku bwa Kristo, ndetse n’ibintu byose mbitekereza ko ari igihombo ku bw’ubutunzi butagira akagero, ari bwo kumenya Kristo Yesu. Ku bw’uwo nahombye ibyanjye byose, ndetse mbitekereza ko ari amase kugira ngo ndonke Kristo, 9kandi mboneke ko ndi muri we ntafite gukiranuka kwanjye kuva mu mategeko, ahubwo mfite ukuzanwa no kwizera Kristo, ari ko gukiranuka kuva ku Mana guheshwa no kwizera (Abafilipi 3:7-9)

Imana irera , kubana nayo bizana umunezero, bigatuma tuyitinya. Kubana n’Imana igihe kirekire ntabwo ari byo byagatumye uyubahuka ahubwo kumenya Imana bitera umuntu kuyubaha.
Imana ibashoboze kuyubaha

[email protected]