Ni gute wamenya ko Imana yumvise amasengesho yawe

Hari icyo ukwiriye kuba wujuje kugirango Imana yumve amasengesho yawe.
Bimwe mu byagusha kugirango amasengesho yawe agere ku Mana kandi abashe kumvirwa ni ibi:

Kuba uri umwana w’Imana

1Timoteyo:2:5 “Kuko hariho Imana imwe, kandi hariho Umuhanuzi umwe w’Imana n’abantu na we ni umuntu, ari we Yesu Kristo.” kuko Yesu ni umuhuza w’Imana n’abantu ugomba kubanza kumwizera.

Umwanditsi avuga ko mbere yo kwakira Yesu nk’umwami n’umukiza yajyaga asenga ariko ntabwo yamenyaga niba amasengesho ye yarageraga ku Mana cyangwa niba azasubizwa. Ariko amaze kwemerera Yesu kuyobora ubizima bwe yagize ibyiringiro ko Imana yumva kandi igasubiza amasengesho ye.

Gusaba Imana mu izina ry’umwana wayo Yesu Kristo

Yohana: 14:14 “Nimugira icyo musaba cyose mu izina ryanjye nzagikora.” Izina rya Yesu ni ryo ryonyine rituma Imana isubiza ibyo umuntu asabye ititaye ku mushuri wize, ku buzima ubayemo, cyangwa ubucyene bwawe, ititaye aho usengera cyangwa ubuzima wabayemo.

Kugira umutima utunganye

Zaburi: 66:18 “Iyaba naribwiraga ibyo gukiranirwa mu mutima wanjye Uwiteka ntaba anyumviye.” Ni ikintu cy’ingenzi kumenya ko ukwiriye kugira umutima utunganye mbere yo kujya imbere y’Imana. Ukwiriye guhora wiyezaho ibyaha mbere yuko ugira ikindi kintu ukora kugirango Imana yumve amasengesho yawe kandi ugashima Imana kubw’imbabazi zayo.

1 Yohana:1:9 “Ariko nitwatura ibyaha ni yo yo kwizerwa kandi ikiranukira kutubabarira ibyaha byacu no kutwezaho gukiranirwa kose.”

Kugira umutima w’imbabazi

Mariko: 11:25 “Kandi ni muhagarara musenga hakaba hari umuntu wabagiriye nabi, mumubabarire kugira ngo So wo mu ijuru abababarire ibyaha byanyu.”
Yesu yabisobanuye neza avuga ko mbere yo gusenga ugomba kubanza kubabarira uwakugiriye nabi kugirango gusenga kwawe kumvirwe imbere y’Imana.

Gusenga ufite kwizera

Matayo: 21:22 “Kandi ibyo muzasaba mwizeye muzabihabwa byose.”
Niba usabye Imana ikintu ugomba kugira kwizera, ibisubizo biza buri gihe ariko ntabwo buri gihe biza mu buryo tubyifuza. Hari igihe ibisubizo biza mu gihe gito nyuma yo gusenga, ikindi gihe bigasaba gutegereza igihe kinini. Hari n’igihe igisubizo kiba hoya kubyo wasabye. Umubyeyi mwiza ntabwo aha umwana we ibyo asabye byose nubwo byamugiraho ingaruka amuhereza ibyamugirira umumaro gusa.

Niba ushaka kumenya ko Imana yumva amasengesho yawe, ugomba kuba warakiriye yesu Kristo mu buzima bwawe, ukajya wasaba Imana ko yumva amasengesho yawe kuko ntarindi zina ryahawe abantu baboneramo ibyo bakeneye atari izina rya Yesu

thoughts-about-god.com
Tuyishime [email protected]