Ngibi bimwe mu biranga Anti-Kristo (Igice cya mbere)

Aho wumvise Kristo na anti- Kristo urahamwumva, ni mugihe abantu benshi bazi anti-Kristo nk’umuntu urwanya ibya christo ariko se mubyukuri anti-christ ni iki mbere ya byose ? ndagirango tubanze dusobanukirwe anti-christ ni iki? tugendeye kubisobanuro bitangwa n’urubuga ansicropedia, anti-christ ni ijambo rimwe rigizwe n’amagambo 2 y’inyunge anti(bisobanura kurwanya) na Kristo (Yesu umwana w’Imana) muri make anti-christ bisobanura uburyo bwose bukoreshwa ngo ukuri guhamya imirimo ikomeye kandi myiza ya Kristo kutajya ahagaragara.’

Urwanya kristo rero nta wundi uvugwa mu bitabo bitagatifu ni satani. Abizera bavuga ko Imana ari umwuka na anti-christ rero ni umwuka ntushobora kumurebesha amaso y’umubiri nk’uko Imana udashobora kuyirebesha amaso y’umubiri. Icyakora ikigaragara ni ibikorwa cyangwa se kumva ibitekerezo.

Iyo usomye muri bibiliya mu rwandiko rwa (1Yohana2:22) aho Yesu yabwiye abantu ati « mbese umunyabinyoma ni inde, keretse uhakana ko Yesu atari kristo ? uhakana data wa twese n’umwana we niwe anti- Kristo. Bibiliya ivugako satani ariwe munyabinyoma bishatse kuvuga ko rero anti- Kristo ari umwuka wa satani ukorera mu bantu.
Ibi ubirebye neza ntabwo anti- Kristo aje ubu ahubwo yariho mubihe bya kera. Bamwe muri ba anti- Kristo bavugwa muri bibiliya usanga bavuga ko bitwaza ibimenyetso, harimo nk’ikimenyetso cy’umubare 666, ndetse n’ibindi bigiye bitandukanye, tuzagenda tureba hamwe umunsi ku munsi.

Usomye Ibyahishuwe 13 uhasanga amagambo agiye atandukanye anagaragaza bimwe muri ibi bimenyetso. Gusa abashakashatsi mu bijyanye na Bibiliya bemeza ko anti- Kristo cyangwa se umwuka urwanya kristo uzaba wihishe mu mitwe 7 y’inzoka ivugwa mu byahishuwe ari nayo izaba ihagarariye anti- Kristo iyo mitwe rero ngo ni nayo izakorerwamo uwo mwuka wa anti- Kristo. Iyo mitwe ni iyi :

• umutwe wa mbere ni abakuru b’amatorero
• umutwe wa kabiri ni abanyapolitike
• umutwe wa gatatu ni abasiyantifike(scientifics)
• umutwe wa kane ni abasirikare bakuru
• umutwe wa gatanu ni indwanyi
• umutwe wa gatandatu ni abantu bacuruza ibintu byangiza abantu nk’ibiyobyabwenge ndetse n’intwaro zo kwica bagamije kubona amafaranga.
• umutwe wa karindwi ngo ni abaherwe bitwaza amafaranga ngo bakore ibibi, ibi ni ibyiciro birindwi bigaragaza aho anti- Kristo akorera kugirango akoreshe abantu cyane cyane abinyujije mugukunda amafaranga muburyo bukomeye.

Duhereye kuri ibi rero iyo witegereje neza hari aho usanga abayobozi b’amadini muri iki gihe bakora kugirango babone amafaranga, uko tugenda tubibona mu binyamakuru bigiye bitandukanye. Ubundi ugasanga ibiyobyabwenge byafashe indi ntera, ibi nabyo biri muri bya bindi byangiza abantu. Iyo witegereje usanga abahanga mu bya siyansi(Scientifics) bakora ibishoboka byose ngo bagaragaze ko nta Mana ibaho , gasanga abantu benshi barushaho gukurikira Siyansi kurusha Imana.

Uzarebe muri bya bimenyetso bamwe mu bayobozi bakomeye bakunze kuba bakoze ndetse akenshi usanga tuvuga ko baba ari aba Iluminati usanga bahina intoki ebyiri musumba zose ndetse na mukubita rukoko izindi zikazamuka mubiganza byombi bishoboka utarabibona ariko niwitegereza uzasanga ari gatatu ebyiri, wamubare uragarutse ese uyu mubare wo ukomeza kugaruka nawo ni ikimenyetso cya anti- Kristo. Abayobozi bakomeye ku isi uzakunda kubonako bafite uburyo basuhuzanya bishushanya ibimenyetso abenshi tuvuga ko ari ibya Iluminati bigaragaza za gatatu ebyiri.

Ikimenyetso 666 kimaze kugaragara cyane ku isi mu buryo bw’ikoranabuhanga. Si cyo cyonyine kigaragaza anti-Kristo kuko muri bibiliya mu rwandiko pawulo yandikiye 2Abitesaronike 2:9 havuga neza ko kuza kuwo mugome kuri mu buryo bwo gukora kwa satani gufite imbaraga zose n’ibimenyetso n’ibitangaza by’ibinyoma. Bishatse kutwerekako abahanuzi b’ibinyoma akenshi bitwaje ibimenyetso bakanakora n’ibitangaza nabo bagaragaza kuza kwa anti-Kristo gusa bo ntabwo ari anti-Kristo bose.

Bibiliya itubwirako ntakizaba Imana itakimenyesheje intore zayo ziyitakira ku manywa na nijoro. Aya niyo mahirwe abantu b’Imana bafite yo kuzagendana n’ijwi ribayobora bu bihe nk’ibi bigoye by’Umwijima, bigoye kwigobotora udakorana n’Imana bya bugufi.
Ufite ugutwi niyumve ibyo umwuka Abwira amatorero. Unesha nzamuha kurya ku mbuto z’igiti cy’ubugingo kiri muri Paradizo y’Imana.

Ismael [email protected]