N’iki kwatwigira ku mugore w’umunyabyaha wasize Yesu amavuta?

Bibiliya igaragaza inkuru y’ umugore wamamaye cyane ariko izina rye ntiryahishuriwe abasomyi.Uyu mugore aboneka mu butumwa bwiza uko bwanditswe na Luka 7:36-50 .Ni umugore wazanye umukondo wuzuye amavuta meza akayasiga Yesu.Inkuru ze ni zimwe muzagize imbaraga kubyerekeye kwihana no kubabarira bimwe mubiranga umutima w’impuhwe ,w’Imana.

Abanditsi b’ubutumwa bwiza: Matayo,Mariko,Luka na Yohana bose bavuze ku mugore wazanye amavuta y’igiciro cyinshi akayasiga Yesu. Mu by’ukuri bose batwerekako Yesu aha agaciro umuhati tugira mu kumwubaha no kwihana nawe akatwereka urukundo agira no kubabarira.

Mu nyandiko ya Luka hagaragazako Yesu yari yatumiwe n’umufarisayo gusangira nawe iwe.Yesu yagiyeyo,mu gihe yari aho,umugore wari uzwiho ko ari umunyabyaha mu mugi yari atuyemo yasanze Kristo azanye umukondo w’amavuta meza akora ibyo buri wese atatekereza gukora.“Ahagarara inyuma ye hafi y’ibirenge bye arira,atangira kumutonganyiriza amarira ku birenge abihanaguza umusatsi we,asoma ibirenge bye,abisiga ayo mavuta.” Luka 7:38

Mu gihe umufarisayo wamuraritse yijujutiraga kuba Yesu yemereye uwo mugore kumukoraho,Yesu yashimye ibyo uwo mugore akoze kuko yabonye umutima wo kwihana abikoranye.Yesu abwira uwo mufarisayo Simoni iby’uwo mugore wihannye kubera urukundo yagize ko ababariwe ibyaha bye.

“ Ni cyo gitumye nkubwira yuko ababariwe bya byaha bye byinshi, kuko yagize urukundo rwinshi.Ariko ubabarirwa bike akunda buke.”Luka 7:47

Ni iki dukwiye kwigira kuri uyu mugore?

Niba twumvise by’ukuri icyo iki cyigisho gisobanuye, dukwiye gusuka amarira no gukizwa n’ubuntu bw’Imana.Kiratwigishako tugomba kurushaho guharanira kureka ibyaha,tukihana no kumenya ko haba kubabarirwa no kubohoka iyo umuntu yihannye.

Ibi ni bimwe dushobora kwigira kuri uyu mugore:

kwihana by’ukuri nta gusubira inyuma

Umugore yicishije bugufi mu kwihana kwe avuye mu buzima bw’icyaha,yagize kuririra ku birenge bya Kristo,yogesha amarira ibirenge bye,abihanaguza umusatsi we abisiga amavuta meza y’igiciro.Ibikorwa bye biratwereka kwicuza by’ukuri amaramaje ko aretse ibyaha ko atazasubira inyuma.

Kwihana by’ukuri bituma wakira imbabazi nyazo

Yesu yashimishijwe n’ukwicisha bugufi k’uwo mugore yihana ibyaha bye, atangaza imbabazi z’Imana zimugiriwe.Yabwiye uwo mufarisayo ko kwicuza k’uwo mugore kwakiriwe kandi akaba ababariwe ibyaha bye byose.

Icyi nicyo cy’ingenzi abakristo bakwiye kumenya ko umuntu uwo ari we wese wihannye,hatagendewe ku mateka ye cyangwa ubuzima yabayemo ,azababarirwa nagira kwicisha bugufi akihana ibyaha.Bakwiye kumenya ko n’ubwo abantu babakikije batakwizera kwihana kwabo,Imana yo ireba mu mutima niyo imenyako wihannye by’ukuri.

kwihana nyakuri ntibisaba ibitekerezo by’abantu/ ntibisaba ko bakugira inama.

Abavugako bamenye Imana bakeneye kwita kuri iki gikorwa cy’ingenzi cyo kwihana uyu mugore yakoreye munzu y’umufarisayo.
Abafarisayo bari abantu bayobora idini bakaba bazwiho kubahiriza amategeko.Uyu mugore w’umunyabyaha nk’uko yari ari ntiyari guhabwa n’icyumba mu nzu y’umufarisayo, ariko ntiyitaye kubyo abantu bavuga ahubwo araza yihanira imbere ya Yesu.

Iyo twihannye by’ukuri imbere ya Yesu,ntiduterwa impungenge n’ibyo abantu batekereza,ntitwita kuby’abakwita injiji mu gihe wasutse amarira usaba imbabazi kugirango ubabarirwe ibyaha, maze tugasigara twejejwe n’amaraso ya Yesu.

“Kuko igihe cyashije cyari gihagije gukora ibyo abapagani bakunda gukora,no kugira ingeso z’isoni nke,n’izo kurarikira no kunywa inzoga nyinshi, no kugira ibiganiro bibi no gusinda,n’imigenzo izira cyane y’abasenga ibishushanyo.Basigaye batangazwa n’uko muri ibyo mudafatanya na bo gushayisha no gukabya ubukubaganyi nka bo bakabasebya”. 1 Peter 4:3-4

Birakwiyeko abakristo bamenya kwicuza by’ukuri batitaye kubyo abantu bashobora kuvuga kugirango bababarirwe ibyaha byabo kandi bakire imbabazi zayo.

[email protected]