Mu ntambara zitandukanye Imana irwanirira abantu bayo


Ntushobora kuzamuka umusozi uteye intambwe imwe gusa, icyakora ushobora kuwuterera buhoro buhoro, utera intambwe imwe imwe. Ibyo ninako bimeze kubibazo uhanganye nabyo niyo byaba bingana n’umusozi.urubuga www.agakiza.org twabashije gushaka bamwe mu bantu bibiliya ivuga bifuje gupfa nyamara hamwe n’uko bari barigeze kubana n’Imana ntiyabareka ahubwo babona ibisubizo by’ibyo bibazo.

Ntabwo twabavuga bose n’ibibazo bagiye bahura nabyo ariko iyo twitegereje neza,
Tubona ko mu ntambara no mubigereragezo akenshi ariho imbaraga z’Imana zigaragarira. Gusa hari abantu batanu bavugwa muri bibiliya b’indashyikirwa baribahangayitse cyane kugeza ubwo bumvise batagishaka kubaho.

Dore ibyo bavuze n’impamvu zabibateye n’ibisubizo bagiye babona kubyifuzo byabo:

1. Yobu: Nyuma yuko abana bapfuye, amatungo ngo ye agapfa, umugore we akamusaba kwihakana Imana. Ndetse n;inshuti ze: Elifazi, Zofari na Biludadi bakamushinja ibyaha ndetse n’umubiri we wararwaye ibishyute asigaye yishimisha urujyo ababaye ku mutima ndetse n’umubiri. Hano yibajije icyatumye adapfa akiri munda ya nyina avugako iyaba yaraheze umwuka akivuka aribyo byarikuba byiza (Yobu3:11-13). Gusa nyuma Imana yaje gushumbusha Yobu ibyo yabuze byose yongera kumuha abana doreko Bibiliya ivugako mu gihugu cyose nta muntu wari ufite abakobwa bafite uburanga nkubw ‘aba Yobu (Yobu42:12)

2. Eliya: Nyuma yo kwica abahanuzi ba bali , ahunga Yezebeli., agenda urugendo rw’umunsi wose wenyine mu ishyamba yumvise bimurambiye hamwe n’ubwoba yicara munsi y’igiti cy’umurotemu. Abwira Uwiteka ati “ ndarambiwe icyaruta nuko wakuraho ubugingo bwanjye kuko ntaruta ba sogokuruza” (1Abami 19:4). Imana ntiyabikoze ahubwo kuko igira imbabazi yahise imuzanira ibyo kurya no kunywa ikoresheje igikona. Hanyuma yongeye kumwiyereka ari i Horebu(1abami 19:6,13)

3. Mose: Abisirayeli banze manu basaba Mose inyama , bararira Mose abuze icyo kubaha kandi icyo gihe niwe wari ushinzwe kuzabajyeza I kanani .Mose abuze icyo akora nibwo yabwiye Imana ati “ ndakwinze nyica mveho, niba nkugiriyeho umugisha ne kubona ibyago byanjye. (Kubara11:15). Nyuma kuko Mose yari wenyine Imana yamugiriye imbabazi ntiyita kugusaba kubi kwe imuha abafasha mirongo irindwi (Kubara 11:17,23)

4. Yerimiya: Pashuri wahoze ari umutambyi wahoze ari umutware mukuru munzu y’Uwiteka yumvise yeremiya ahanura amukubita urushyi. Yeremiya yaranzwe cyane azira guhanura kuko yavugaga ibikomeye nawe yaje kwiheba bituma avuma umunsi yavutseho yifuzako ibyari kuba byiza inda yamubyaye yari kuvamo. (Yeremiya 20:14-18)

5. Yona: Nyuma yuko Imana ibabariye Nineve umurwa wari wuzuyemo ibyaha byinshi, bamaze kumva umuburo w’Uwiteka bemeye kwisubiraho. Ibyo byababaje Yona cyane kuko ataribyo yashakaga yisabira gupfa muraziko na mbere yari yabanje gukwepa yigira I Tarushishi. Nabwo yongeye kwifuza gupfa ubwo izuba ryamwicaga mu mutwe nyuma yuko inanda irumye rwaruyuzi Uwiteka yari yamereje Yona ngo rumutwikire.(Yona4:3,8)

Ntagishobora guhagarika ibabazo byo muri iy’isi, abasenga n’abadasenga bose bibageraho. Iteka ibibazo biza ntaruhare wabigizemo ariko iyo uhamagaye Imana mu ntege nke za muntu irakumva kabone nubwo itaguha igisubizo wumva ushaka ariko mu mbaraga zayo n’imbabazi Imana itanga igisubizo gikwiye. Iyo wavuganye n’Imana: iyo ugeze mu ntambara si wowe uzirwana, Imana igukiriza bugufi bw’ibikwica kuko ntabwo ijya ikiza umuntu wayo nk’umushimuta.

Ismael kayishema @agakiza.org