Mu gitaramo ngaruka mwaka "Easter Celebration" Patient Bizimana yamuritse umuzingo yise “Ibihe Byiza”

Ku cyumweru tariki 16 Mata 2017 nibwo umuramyi Patient Bizimana yakoraga igitaramo ngaruka mwaka yise Easter Celebration muri Kigali Convintion Center igitaramo kitabiriwe n’abantu benshi ndetse ashyira ahagaragara umuzingo w’indirimbo yise "Ibihe Byiza".

Isaha yi saa 7h20 za nimugoroba nibwo abacuranzi n’abaririmbyi bafasha Patiant Bizimana bagaragaye ahateguriwe kuririmbirwa mu myambaro idoze mu bitenge.

Abaririmbyi bajya aho baririmbira

Mu gihe gito abitabiriye iki gitaramo bategereje nibwo Patient Bizimana yagaragaye kuri stage (ahateguriwe kuririmbirwa) yakirwa n’amashyi menshi yo kumwishimira, atangira ahamagara Umwuka w’Imana asengera igikorwa cyo kuramya Imana ndetse yifuriza abaribitabiriye Easter Celebration Pasika nziza.


Abamufashaga kuririmba

Patient atangiye kuririmba

Mu ndirimbo nyinshi zitandukanye Patient Bizimana yafashije abantu benshi harimo iyitwa “Ubwo buntu “ bamufashije kuririmba kugeza irangiye, bigaragaza ibyishimo abantu bari bafite ku munsi abakirisitu bizihizaga umunsi mukuru w’izuka ry’Umwami Yesu Kristo Pasika.

Abitabiriye bari bishimye

Igitaramo Easter celebration cyaritabiriwe ku buryo bushimishije.

Ap. MASASU Joshua umushumba mukuru wa restoration church aho Patient Bizima asengera yabwiye abitabiriyeiki gitaramo ko agakiza tugakomora ku gikorwa cyabereye ku musaraba I Gorogota abihuza n’imirongo yo muri Bibiliya asoza yifuriza abitabiriye igitaramo Pasika nziza no gukunda gukorera Imana.

Patient yakira Ap. Masasu aho yaririmbiraga

Igitaramo cyitabiriwe n’abashumba b’amatorero atandukanye.
Pst. MUREGASHURO Joseph Mount Olives Temple n’umugore we, ari mu bitabiriye.

Past Muregashuro na Madame we ku bicaye ku meza uhereye ibumoso

Bishop. Rugagi Innocent umushumba w’itorero Redeemer Church nawe ari mu bitabiriye iki gitaramo.

Bishop Rugagi Innocent

Iki gitaramo cyatumiwe mo abaririmyi batandukanye bo hanze y’igihugu nka Ap. Apollinaire uzwi cyane mu ndirimbo zitandukanye zihimbaza Imana kuva mu gihugu cy’Uburundi n’umuramyi wo mu gihugu cya Kenya Marion Shako.

Ap. Appolinaire


Marion Skako

Gaby Irene kamanzi nawe yaririmbanye indirimo na Patient Bizimana nyuma yo kumuhamagara ngo amusange aho yaririmbiraga.

Gaby Irene Kamanzi na Patient

DVD ya mbere y’umuzingo w’indirimbo Patiant Bizimana yashyize ahagaragara yayishyikirije umushumba we Ap. Masasu Joshua abanza kuyisengera ayaturaho umugisha.

Ap. Masasu ashyikirizwa DVD na Patient

Ababyeyi ba patient baribaje gushyigikira umwana wabo, papa we yishime amugabira inka yishashi.

Ababyeyi ba Patient

Ngabo [email protected]