Micro onde, igikoresho gikwiriye kwitonderwa

Uyu munsi mu buzima, reka tuganire ku ikoreshwa rya micro onde, cyangwa micro wave, ni igikoresho kimaze imyaka itari mike kifashishwa mu guteka cyangwa se gushyushya ibyo kurya, gifite imokorere itangaje, dore ko mu gihe ku rindi ziko ibiryo bishyuha mu minota irenga icumi, iki cyo gishobora kubishyushya mu minota ibiri cyagwa indi yose umuntu ashaka bitewe n’icyo yashyuhije.

gusa abahanga mu by’ubuzima bakunze kukijyaho impaka bavuga ku ngaruka iki gikoresho gishobora gutera umuntu ugikoresha
Uretse ibinyamakuru bitandukanye byagiye bivuga ku ngaruka iki gikoresho gifite, abahanga mu by’ubuzima na bo ntibakivugaho rumwe.

Wakwibaza uti ese ni iyihe mpamvu ishobora gutuma abantu benshi bibaza ku ikoreshwa rya micro onde?

Bikunze kuvugwa ko iki cyuma ngo gishobora kugira ingaruka ikomeye ku buzima bw’umuntu ugikoresha, zirimo kuba gishobora kwangiza intungamubiri ziri mu biribwa,cyane cyane imboga ndetse n’amashereka ku bantu bakunze kuyashyushyamo.

Bavuga kandi ko iki gikoresho cyangiza vitamine B12 ku buryo bwo hejuru, iyo hakoreshejwe isahane ya plastike mu gushyushya ibyo kurya, bavuga ko iki cyuma gishobora kurema uturemangingo dushobora gutera kanseri.

Mu 1964 nibwo Deichman ndetse na Kotkout afatanyije na Waak mu 1975 bakoze ubushakashatsi basanga ingufu z’amashanyarazi ziba muri Micro -Ondes zishobora kugira ingaruka ku itembera ry’amaraso mu mubiri ndetse bigatera ubushobozi buke ku turemangingo tuba mu mubiri Système sanguin et cellules immunocompétentes.

Aba bashakashatsi kandi banavuga ko ayo ma Ondes ahungabanya imisemburo cyane cyane y’abagore bikagira ingaruka mu myanya y’imyorerekere
Ikindi bavuga ngo nuko ibiryo byashyuhijwe muri micro onde ngo bishobora gutuma umutima utera vuba ugereranije n’uko byari bisanzwe.

ZIMURINDA Philbert, umwe mu mpuguke ku bijyanye n’ubuziranenge , avuga ko nta bushakashatsi bwihariye bwakozwe kuri ibi bibazo ariko yemeza ko mu gihe ukoresha micro onde atitondeye kuyifunga mbere yo kuyicana, imbaraga zishyushya cyangwa se ama rayon bishobora kumugeraho bikangiza umubiri we n’amaso mu buryo bukomeye.

Kurya amafunguro yateguriwe muri Micro-Ondes bitera Kanseri zo mu bwoko butandukanye, izo mu mu gifu, mu mara ndetse no kwiyongera k’uturemangingo twa Kanseri mu mubiri.

Izi ngaruka zavuzwe haruguru abahanga bavuga ko zitangira kugaragara ku muntu mu gihe kirekire, bakagira inama abantu yo kugabanya kurya amafunguro yashyuhirijwe muri Micro-Ondes abo bitashobokera bakajya bategereza nibura iminota hagati y’10 cyangwa 15 mbere yo kurya ayo mafunguro , ubundi bakajya bajya kwisuzumisha kwa muganga kenshi gashoboka kugira ngo bagirwe inama.

Source: Topsante

Liliane [email protected]