Menya imirongo 5 yo muri Bibiliya yagufasha kuzinukwa icyaha cy’ubusambanyi

Muri iki gihe abantu bagenda bagwa mu mutego w’ubusambanyi,ugasanga abagore n’abagabo baracana inyuma ,ibyo bigatuma isezerano ryabo ryangirika, imiryango yabo igasenyuka, amakimbirane mu miryango,kutizerana,ubukene bukabije ,abana bakabura ubitaho bikagira ingaruka nyinshi ku buzima bwabo n’ibindi.
Ubusambanyi ni ikintu gikwiye kurwanywa rwose kuko cyangiza imibereho ya muntu n’isezerano ry’ ugushyingirwa.Bibiliya ibivuga neza ko “nta mahoro y’umunyabyaha”abakora ubusambanyi bose ntakindi basaruramo uretse kugira imitima ibabaye no kwicuza.

Imana izi uburyo bwose bushobora kugusha abantu mu cyaha cy’ubusambanyi ,ariko itanga imiburo n’amabwiriza y’uko abantu bakwiye kwirinda imishyikirano yose ishobora kuganisha kubusambanyi ,igatanga ibyiringiro kubaguye muri icyo cyaha ni uburyo babasha kubivamo bakayoboka inzira yayo.

Reka turebere hamwe imirongo 5 yo muri bibiliya ishobora kugufasha kurwanya icyaha cy’ubusambanyi:

1.Ntugasambane:
Mu butumwa bwiza uko bwanditswe na Matayo 5:27-30 hagira hati:Mwumvise ko byavuzwe ngo “ntugasambane”.jyeweho ndababwira yuko umuntu wese ureba umugore akamwifuza,aba amaze gusambana na we mu mutima we.Ijisho ryawe ry’iburyo nirigushuka rikakugusha,urinogore urite kure.Ibyiza ni uko wapfa ijisho rimwe, biruta ko umubiri wawe wose wajugunywa muri Gehinomu.N’ikiganza cyawe cy’iburyo nikikugusha ugice ugite kure.Ibyiza ni uko wabura urugingo rwawe rumwe,biruta ko umubiri wawe wose wajugunywa muri Gehinomu”
Imana itubwira ko tugomba kureka ubusambanyi ubwo ari bwo bwose n’ubwo mu mitima,ikaduhishurira ko ikiruta ariko twakinjira mu bwami bwayo dufite urugingo rubura aho kugira ngo umubiri wose ujugunywe muri Gehinomu.

2.Kunyurwa no kwishimira umugore wawe.

Imana isaba abantu bayo kunyurwa nabo bashakanye,no kureka kurarikira abagore b’inzaduka(Imigani 5:15-20).

3.kutariganya umugore w’abandi:

Imana isaba abantu kuba umugabo w’umugore umwe,ikabasaba kurinda imitima yabo kuriganya abagore ba bagenzi babo kugira ngo hakomeze kubaho urubyaro rwubaha Imana.(Malaki2:13-15)

4.kwirinda inzira z’ubusambanyi zose zishobora kuganisha ku rupfu

Imana ihana abantu bayo kuzibukira inzira zose ziganisha ku busambanyi harimo ururimi rureshya,bakamenya ko inzu y’umusambanyi ari inzira igana ikuzimu,imanuka ijya mu buturo bw’urupfu (Imigani7:21-27)

5. Gukomeza isezerano ryo gushyingirwa.

Imana isaba abagabo n’abagore gukomeza isezerano bagiranye,bakabana akaramata,bakamenya ko batakiri babiri ahubwo ko babaye umubiri umwe.(Matayo19:4-6).

Ubusambanyi ni icyaha Imana yanga urunuka,birakwiye ko abakristo birinda inzira izo arizo zose zabatandukanya n’urukundo rw’Imana.
[email protected]