Menya byinshi utari uzi ku ipapayi

Iyi nyandiko iragufasha kumenya byinshi ku ipapayi , harimo kumenya , ibiyigize, umwihariko ifite ugereranyije n’izindi mbuto, uburyo butandukanye wayitegura ku meza, ndetse n’umumaro igirira uyiriye.

Ipapayi ni urubuto ruboneka mu bice bitandukanye by’igihugu cyacu, ariko abashakashatsi bagaragaza ko inkomoko y’ipapayi ari mu gihugu cya Mexico.

Dore intungamubiri ziboneka mu ipapayi.

Ipapayi ni isoko nziza ya vitamine zitandukanye , murizo twavugamo nka vitamine C,A,B,E na K, ipapayi imwe itanga calori 120(120 calories), garama 30 z’ibinyamasukari murizo haba harimo garama 5 z’uturemangingondodo ndetse na garama 18 z’isukari, ipapayi imwe iba irimo garama 2 z’inyubakamubiri(protein), sibyo gusa kuko ipapayi ikungahaye ku myunyungugu nka ubutare( Fer), copper, magnesium, calicium, na potassium.Ipapayi kandi ikungaHhaye ku binyabutabire bitandukanye nka Lycopen n’ibindi.ibi byose bifite icyo bimara iyo bigeze mu mubiri w’umuntu, nkuko turi bubigaragaze hepfo.

Ese ipapayi ifite uwuhe mwihariko?

Ipapayi ifite umwihariko, kuko uretse no kuba wayirya nk’urubuto, ushobora kuyikoresha nk’umuti.ushobora kuyifashisha mu kuvura impatwe, amakakama y’igiti ndetse nava ku ipapayi ikiri mbisi nabyo bifasha mu kuvura inzoka zo munda.

Imimaro icumi(10) izanwa no kurya ipapayi

1. Ipapayi irinda umutima kwangirika, bitewe nuko ikungahaye ku myunyungugu, ifasha umutima gukora neza, ndetse ikanawurinda kwangirika
2. Ipapayi ifasha igogora, gukora neza kuko ikungahaye kuri fibre, ndetse na enzyme zifasha urwungano ngogozi, gukora neza ndetse no gukumira indwara zitandukanye zishobora gufata urwungano ngogozi.
3. Ipapayi irinda amaso kwangirika ndetse ikayafasha kureba neza ibishobozwa no kuba ikungahaye kuri vitamine A .
4. Ipapayi igabanyiriza ibyago uyirya kuba yarwara kanseri, ibishobozwa nuko ikungahaye ku binyabutabire bifasha mu kubungabunga ubuzima bw’uturemangingo mfatizo dukoze umubiri wose.
5. Ipapayi ifasha umusatsi gusa neza ndetse ikawurinda no gucikagurika kuko ikungahaye kuri vitamine A na C byose bifasha umusatsi guura ndetse no gusa neza. .
6. Ipapayi irafasha cyane kubantu bifuza kugabanya ibiro
7. Ipapayi ifasha mu kuringaniza umuvuduko ukabije w’amaraso
8. Ipapayi yongerera ireme ubwirinzi kamere
9. Ipapayi ifasha mu kurinda indwara y’ubuhema(Asthma)
10. Ipapayi irinda amagufwa kwangirika kuko ikungahaye kuri vitamine K ndetse no kuri calicium byose bifasha mu kubungabunga ubuzima bw’amagufwa.

Dore uko ushobora kuyitegura ku meza:

 Ushobora kuyihata bisanzwe,ukayikata neza, ukayitegura nk’izindi mbuto
 Ushobora kandi kuyikoresha,uri gukora salade.

Source: www.medicalnewstoday.com
[email protected]