Menya byinshi kuri vitamine K ndetse naho wayikura.

Iyi nkuru iragufasha kumenya vitamine K, umumaro wayo ku buzima bw’ikiremwamuntu, ingorane ziterwa no kubura vitamine K mu mubiri, ndetse turabagezaho bimwe mu biribwa bikungahaye kuri vitamine K.

Vitamine k, ni imwe mu itsinda rya za vitamine ziyenga iyo zivanzwe n’amavuta. Vitamine K ifasha umubiri muri byinshi. Igira umwihariko mu gufasha amaraso gutembera mu mubiri neza, ndetse no mu gihe umuntu yakomeretse ntatakaze amaraso menshi,kuko iyi vitamine ifasha amaraso kuvura, bityo n’igikomere kikuma vuba.

Imimaro itandukanye ya Vitamine K.

Mubyo Vitamine K ifasha mu mubiri hari mo: Gufasha ubwonko gukora neza; gufasha umutima gukora neza; ndetse no kugabanya ibyago byo kurwara kanseri zitandukanye.

Ibindi vitamine K ikora mumubiri:

 Ifasha abantu bakunze kugira ikibazo cyo kuva imyuna, ndetse iyi vitamine yifashishwa mu gukosora icyo kibazo.
 Ni ingenzi cyane ku bantu bagira umuvuduko ukabije w’amaraso, kuko ifasha cyane kuringaniza umuvuduko w’amaraso.
 Irinda amagufwa kwangirika nko kuvunguka, kuvunika, gusaza imburagihe no kuba yagira ubundi busembwa, kuko ifite ubushobozi bwo gufasha umubiri gufata Karisiyumu (Calcium) ifasha amagufwa kugira ubuzima bwiza.
 Ifasha amaraso gutembera neza mu mubiri, ndetse ikayarinda gucika amazi.

Ingorane zizanwa no kubura vitamine K mu mubiri.

Birumvikana ko umaze kubona umumaro w’iyi Vitamini wahita wumva n’ingorane zizanwa no kuyibura mu mubiri.

Vitamine K ikize ku nyubakamubiri (protein) zizwiho gufasha amaraso kunaga, cyangwa kuvura (coagulation du sang), ibyo bituma umuntu adatakaza amaraso menshi igihe yakomeretse ndetse igikomere kigakira vuba. Birumvikana ko kuyibura cyangwa kugira idahagije, bitera ingorane zo gutakaza amaraso menshi mu gihe bakomeretse no gukira bikagorana,

Ibyago byo kubiura iyi Vitamini kandi bitera:

 Kuva imyuna kukigero gikabije
 Kubyara umwana ufite ikibazo cyo kuva amaraso ahantu hose hari imyenge cyangwa hemorrhagic disease
 Kwangirika kw’amagufwa.
 Kwangirika kw’amenyo nko kuba yavungagurika n’ibindi.
 Kurwara ku buryo bworoshye indwara ziterwa n’ubwandu butandukanye (infection)

Dore aho ushobora gukura Vitamine K

Vitamine K iboneka mu bihingwa, cyane imboga zifite ibara ry’icyatsi kibisi, nk’imboga za dodo, amashu, brocolli, amashaza, ibishyimbo bifite ibara ry’icyatsi kibisi, ingano.
Iyi vitamine kandi ishobora gukorwa n’utunyabuzima duto tuba mu gifu dufasha mu gucagagura ibyo turya (Useful Bacteria).

Mu gihe ugararaza ibimenyetso cyangwa ingorane zo kuba ufite vitamine K idahagihje mu mubiri, ushobora kujya kwa muganmga bakaguha ibinini bya vitamie K, nyuma ukaba wakomeza kuyifata mu biribwa, cyane ko ari nabwo buryo bwiza bwo kuyibona.

Source: www.healthline.com
[email protected]