Menya amateka ya Rusi uvugwa muri bibiliya

Kimwe n’izindi ntwari dusanga muri Bibiliya, Rusi yahagaze k’ubumuntu bwe n’ubunyangamugayo. Tumusanga mu gitabo cya Rusi, Umugabo witwa Bowazi, Nawomi Nyirabukwe, bose turi bubasange muri iyi nkuru.

Rusi yakomeje kuba umugore w’indahemuka.

Rusi yavukiye mu gihugu cya Mowabu, gihana imbibi na Canani ariko ubu bwoko bwari abanzi bakomeye b’abisirayeli. Izina Rusi risobanura”Umugore ukundwa”
Ubwo inzara yateraga I Buyuda, Elimeleki, Umugore we Nawomi hamwe n’abahungu be babiri Mahaloni na Kiliyoni, bavuye I wabo I Betelehemu, basuhukira mu gihugu cy’i Mowabu. Aho niho Elimeleki yaje gupfira, Mahaloni ashakana na Rusi hanyuma Kiliyoni ashakana n’umuvandimwe wa Rusi witwaga Orupa. Ariko nyuma y’imyaka 10 abo bagabo babo Mahaloni na Kiliyoni nabo barapfa
Igihe k’inzara I Betelehemu kirangiye kubw’urukundo n’icyubahiro Rusi yahaga nyirabukwe Nawomi, yanga kumusiga bagarukana I Betelehemu ariko Orupa asigara I Mowabu.

Rusi yaje gukundana n’umugabo witwaga Bowazi w’umwisirayeli waho iBetelehemu, biza no kurangira banabanye kubw’umugambi w’Imana. Bawazi atwara Rusi amuvana mu buzima bubi bw’ubupfakazi n’uburushyi amugira umugore.
Tubyibuke Rusi yemeye kureka iwabo n’Imana zabo ahitamo kuba umuyuda nyawe
Kurubu Rusi ni umugore w’igitangaza wakoze amahitamo atangaje, Rusi afite uruhare runini mu gusohoza isezerano ryo kuvuka kwa Mesiya.
Ubuzima bwa Rusi bugaragara nkubwagiye bubamo uruhurirane rw’ibibazo, ariko inkuru ye igaragaza ko harimo umugambi mwiza w’Imana. Mu nzira zayo zuje urukundo Dawidi yaravutse ndetse mu rubyaro rwa Dawidi niho havuyemo Yesu.
Ibibazo byose byabaye kuri Rusi tubishyire ku ruhande Twirebere umugambi w’Imana wo gucungura isi.

Rusi yakurikiye nyirabukwe nkaho yari Mama we wa nyawe I Betelehemu, Rusi yemereye Nawomi gukora ibyo amusaba kugirango arebe ko Bowazi yamugira umugore biranakunda rwose barabana. Umuhungu wabo Obedi yabyaye Yesayi, Yesayi abyara Dawidi umwami ukomeye wa Isirayeli.
Rusi ni umugore umwe mu bagore batanu bavugwa mu gisekuruza cya Yesu Kristo aribo (Tamari, Rahabu, Batisheba na Mariya). Matayo 1:1-16

Imbaraga za Rusi

Rusi yari umugore ufite imico idasanzwe , ikindi nuko yari intwari yanezezaga umugabo we, yari umukozi ntiyari umunebwe mu mirima n’ahandi, Uburyo Rusi yabereye umukobwa mwiza Nawomi byamuteye kumukunda cyane ndetse amufasha gutsindira umutima wa Bowazi ndetse barabana

Isomo ry’ubuzima

Ubumuntu ni umuco, ni imibereho yuzuye ubwenge, Imana ireba igaha agaciro kandi ikabihembera. Rusi yizeye Nawomi, ntaho yari yarigeze amubona handi, ndetse yizera n’Imana yasengaga.
Gukora neza buri gihe ntabwo ari ibintu byoroshye ariko nibwo buryo bwiza bwo kubaha no kunezeza Imana. Rusi yahisemo neza ndetse ntiyigeze yifuza gusubira inyuma mu mahitamo ye nubwo atarazi mu by’ukuri icyo bizatanga.
Imana yabonye ari ikintu kidasanzwe akoze imuhemba kugira igikundiro kidasanzwe ndetse no kumugira nyirakuruza wa Yesu “Matayo 1:5”

Umuryango mushya wa Rusi

Sebukwe - Elimeleki
Nyirabukwe - Nawomi
Umugabo we wa 1 - Mahaloni
Umugabo we wa 2 - Bowazi
Umuvandimwe we - Orupa
Umwana we - Obedi
Umwuzukuru we Yesaya
Umwuzukuruza we - Dawidi

Yakomotse ho- Yesu Kristo

Aho wasanga iyi nkuru
Rusi 1:16-17
Rusi4:13-15

Claire Umumararungu @Agakiza.org