Menya amateka ya Noheli n’impamvu yizihizwa n’abatari bake ku isi (igice 2)

Igice cya mbere cyavugaga amateka ya Noheli,ariko muri iki gice cya kabiri turavuga ku mpamvu zimwe zituma hari abahakana Noheli nk’umunsi mukuru. Turebe aho ukuri kuri, kuko inyigisho zipfobya Noheli nk’umunsi mukuru usanga ahenshi zigishwa no muri iyi minsi abantu barimbanyije mu myiteguro yo ku 25 Ukuboza.

Ese birakwiye ko umukristo yizihiza umunsi mukuru wa Noheli ?

Muri iyi minsi yo kwitegura Noheli usanga hari abantu benshi bafite imyizerere itandukanye nyamara bose bavugako bemera kristo Yesu, bamwe bakavugako kwizihiza Noheli ari ibikorwa bya gipagani abandi bagashimangira uyu munsi bavugako ari umunsi ukwiye kwizihizwa na buri wese.

Nkuko twabivuzeho mu nkuru twakoze ubushize , abahakana uyu munsi bagereranya ibikorwa muri iyi minsi ya Noheli nk’imigenzo ya gipagani ku mpamvu zitandukanye twagaragaje mu nkuru ya mbere.Ariko tugendeye kuri bibiliya tugiye kurebera hamwe icyo ivuga cyakorwa,kuko usanga muri iyi minsi hari abigisha ibijyanye n’irari ryabo :

1. Hari abanga uyu munsi ngo wahindutse uwa buzinesi(business) no guhana impano.

N’ubundi turamutse twemeje iyi ngingo yo guhakana kwizihiha ivuka rya Yesu kubera iyi mpamvu, icyakurikiraho nuko ntakintu cyanditse muri Bibilya twakongera gukurikiza kuko ivuka rya Yesu Bibiliya yemera ko ryabayeho. (Kandi ntimugahinyure ibihanurwa ahubwo mugerageze byose mugundire ibyiza, mwirinde igisa n’ikibi cyose.(1Abatesalonike 5:20-22). Byose bibonereye ababoneye nyamara ntakibonereye abanduye batizera, ahubwo bononekaye ubwenge n’imitima yabo, Tito1:15).

2. Ibyanditswe ntibivuga kwizihiza ivuka rya Yesu

Nubwo bibiliya itabigaragaza ariko na none ntibuza abantu gukora ibirori mu gihe ari ibihesha Imana icyubahiro. (Nuko rero ntihakagire ubacira urubanza kubw’ibyo murya cyangwa ibyo munywa, cyangwa ku bw’iminsi mikuru,cyangwa kubwo kuziririza imboneko z’ukwezi cyangwa amasabato. Kuko ibyo ari igicucu cy’ibizaba naho umubiri wabyo ufitwe na kristo. Abakolosayi 2:16-17)

3. Imigenzo ikorwa kuri Noheli

Nubwo abahakana Noheli bavugako imigenzo ikorwa mu minsi mikuru ya Noheli ari iya gipagani bagendeye kubyakorwaga kera. Gucana amatabaza, gutaka utubara tumyasa, igiti by’icyatsi kibisi hamwe no gutanga impano kuri uyu musi mukuru wa Noheli. Abakoze ubushakashatsi bavugako byakozwe mu kugirango bongere abakirito bakizwaga bakava mu bupagani.

Igiti kibisi gisobanura ubuzima buhoraho, kiristo umwana w’intama w’Imana yatanze binyuze mu kindi giti (umusaraba). Ibyahishuwe 2:7,22:2,14. Ibi rero byumvikana neza ko ntakibazo gihari cyo kwizihiza Noheli.

Yesu ni umwami iteka ryose kumwumva no kumwakira mu buzima bwawe ni iby’igiciro cyinshi.Noheli ni umunsi mukuru ngaruka mwaka ku isi hose aho abakristo batari bake usanga bawiteguye ndetse hirya no hino mu nsengero usanga baririmba basenga bashima umwami wacu Yesu kristo, wemeye gusiga akamero k’ubu Mana yari afite mu ijuru, akemera kubabazwa no gupfa urw’agashinyaguro kugirango isi ironke amahoro kubwe.

Tubifurije Noheli nziza

Ismael [email protected]