Menya akamaro k’amazi ku buzima bwawe

Amazi ni ingenzi cyane ku buzima bw’umuntu, ubushakashatsi bw’abahanga batandukanye mu by’ubuzima bwerekana ko umubiri w’umuntu ugizwe na 60 kugeza kuri 70% by’amazi, amazi niyoarinda kandi agahuriza hamwe imisemburo yagiye itangwa n’ingingo zibishinzwe maze amazi akayijyana aho ikenewe hose

Amazi yonyine nicyo kinyobwa gishobora gukamura imyanda iri mu ngingo, amazi yoroshya amaraso akayatera gutembera neza, amazi kandi atuma umuntu abasha kugira amacandwe ari nayo afasha umuntu kumira ibyo yariye

Ese ni ryari umuntu akwiriye kunywa amazi?

Abashakashatsi bagaragaza ko amazi ari umuti ukomeye ariko ngo bisaba ko anyobwa mu buryo buboneye, bivugwa ko amazi anyowe umuntu akibyuka atarasukura mu kanwa ari ingenzi ngo kuko agirira umuntu akamaro

Urubuga passport santé ruvuga ko umuntu uringaniye akwiriye kunywa byibura amazi angina na litiro 2 ku munsi bitewe n’uko ngo umuntu ashobora gutakaza litiro 1 ku munsi binyuze mu nkari ndetse no mu byuya

Uru rubuga rugaragaza ko amazi anafite ubushobozi bwo kuvura umubiri w’umuntu utayanyoye kuko ngo kuyicaramo ku kigero gikwiye bivura kuribwa mu kiziba cy’inda, indwara y’imitsi y’amaguru, imihango y’abakobwa idashyitse n’ibindi

Kwicara mu mazi y’akazuyaze cyangwa akonje ngo nabyo bishobora gukiza uburibwe mu mubiri cyane cyane ku bantu bahorana umubabaro, abadasinzira neza, ibicurane, ubushita ndetse n’indwara yo kubyimbagana mu muhogo. Bavuga kandi ko amazi ashobora guhagarika umuriro mu mubiri w’umuntu

Abahanga bavuga ko atari byiza kunywa amazi umuntu ari kurya kuko ngo bishobora gutera umubyibuho ukabije cyangwa se icyo bita obesite mu ndimi z’amahanga, ubushakashatsi bwerekana ko kunywa amazi mu gitondo ari ingenzi ngo kuko bifasha umubiri gukora neza by’umwihariko igifu

Iyo amazi anyowe hasigaye isaha imwe cyangwa igice cy’isaha ngo umuntu afungure, ayo mazi atuma ingingo zigarura ubuyanja bityo izinoza ibyo kurya zigakora umurimo wazo zifite imbaraga.

Source: passport sante
[email protected]