Mbese waba uzi akamaro ka cocombre?

Cocombre ni rumwe mu mboga zifatiye runini ubuzima bw’abantu bwa buri munsi, kuko abahanga mu by’ubuzima bavuga ko uru ruboga rukize ku munyu ngugu ndetse ngo rufite na vitamine zitandukanye zifasha umubiri mu mikorere myiza y’umubiri, bavuga kandi ko umuntu akwiye kurya cocombre kenshingo kuko ikize kuri vitamine nka K,za B zitandukanye ndetse na C, cocombre kandi ngo ni uruboga rushobora kurinda umubiri w’umuntu indwara zitandukanye zirimo iz’umutima.

Bimwe mu bigize cocombre:

95% bya cocombre ni amazi,
Yifitemo kandi fibre
Protein,
Potassium,
Manganese,
Magnesium,
Calicium,
Umuringa,
Vitamine A,B5,B9,C,

Nkuko twavuze ko 95% by’ibigize cocombre ari amazi, ngo ifasha umubiri kutagira umwuma kuko udusate twayo umuntu yatugereranya n’ikirahure cy’amazi, ubushakashatsi kandi bwerekana ko ibigize cocombre birinda umuntu kubyimbirwa, kugumana itoto ku ruhu,kurinda iminkanyari, ikanafasha gusohora imyanda mu mubiri.
Amakuru dukesha urubuga meliorta santé avuga ko cocombre ikungahaye ku ntungamubiri zigabanya ibyago byo urwara kanseri y’ibere, iya prostate, iyo umura ndetse n’iyo imirerantanga, bavuga kandi ko iyo umuntu afite ikibazo cyo guhumura nabi mu kanwa, cocombre yamufasha kugabanya iyi mpumuro mbi mu gihe afashe agace gato kayo.

Kurya cocombre bizwiho kugabanya ubushyuhe mu gifu ari nabyo bituma umuntu agira impumuro mbi mu kanwa.

Kurya cocombre nka salade cyangwa se kuyikoramo umutobe ngo bishobora no kuguha igipimo cya fibre ukeneye mu mubiri, ku muntu ukunda kurwara ikirungurira akwiye kumenya ko kunywa amazi menshi aribyo bishobora kugikiza kuko agabanya acide mu gifu, aya mazi rero ushobora no kuyabona muri cocombre.

Si byiza kandi guhata cocombre kuko vitamine A na C ziboneka mu bishishwa byayo.

source: wwwvegetables.com

Liliane [email protected]