Mbese Abafilisitiya bari bantu ki?

Abafilisitiya bari ubwoko bw’abarawanyi kandi b’abanyamahane babaga mu gice cy’amajyepfo y’uburasirazuba bwa Israel hagati y’inyanja ya Mediterane n’uruzi rwa Yorodani. Izina “Abafilistiya” rikomoka mu Giheburayo “Philistia” ndetse no ku ijambo ry’Ikigiriki palaistinei, ariyo aduha “Palestine” y’uno munsi. Abafilisitiya bwa mbere bagaragara muri Biblia mu rutonde rw’amahanga mirongo irindwi bakomoka kuri Nowa (itang 10:14). Biblia itwereka ko Abrahamu ndetse na Isaka bagenderaniraga n’Abafilisitiya kuko bari bafitanye inkomoko (itang 21:32, 34; 26:1, 8).

Nyuma y’aho Isaka agriye mu bafilisitiya i Gerari (itang 26:18), nta handi bongera kugaragara kugeza Abisrael bahagurutse muri Egipta Faraon abarekuye bambuka inyanja itukura, Imana ibabuza guca mu nzira inyura mu gihugu cy’Abafilistiya nubwo yari iya bugufi cyane. Imana yatekereje ko nibahura n’intambara bazicuza bagasubira muri Egipta. Bigaragara ko Abafilisitiya bari abarwanyi (Kuva 13:17).

Isezerano rya kera ryerekana ko ahagana mu kinyejana cy a13 MK, mu gihe cya Smweri na Samsoni, baraje batura i Knani. Bahageze bubatse imijyi igera kuri itanu banahashyira ubwami ariyo: Gaza, Ashikeloni, Ashdodi, Gati, and Ekroni (Yosuwa 13:3). Buri mujyi cyangwa intara yayoborwaga n’umwami. Aba bami babaga bafite ububasha bungana. Buri mwami yabaga afite ubudahangarwa ku ntara ye yari ayoboye,nk’urugero umwami Akishi yacumbikiye Dawidi i Gati bitagombye ko agira uwo abyakira uburenganzira (1 Samuel 27:5-7), ariko kandi banakoreraga hamwe mu gihe igihugu cyabo cyabaga gifite ibibazo bikomeye bibugarije (abacam 16:5).

Mu itangira, Abafilisitiya bari abanzi b’ubwoko bw’Imana. Bagize uruhare runini cyane mu buzima bwa Samusoni kuko barwanye igihe baranamunesha bamunogoramo amaso (Abacam 14:1), kandi bazengereje abisrael kenshi mu gihe cya Eli (1 Samweri 4:1-11), bongeye kandi kurwana cyane mu gihe cya Sawuli (1 Samweri 13:3-19), ndetse kandi bagize uruhare rukomeye ku buzima bwa Dawidi aho yahanganye n’igihangange Goliati (1 Samweri 17:23).

Abafilisitiya bari bazwiho ubukungu nk’ibyuma, cyane cyane imiringa Abisrael bakeneraga cyane babikoramo intwaro n’ibindi bikoresho. Ndetse no mu minsi y’umwami Sawuli, Abisrael bakeneraga kujya gutyarisha intwaro n’ibindi byuma mu bafilisitiya cyangwa bakityariza ariko bahawe amatyazo nabo (1 Samweri 13:19-21).

Kubera imbaraga z’igisirikari ndetse na by’Abafilisitiya, bakomeje kubangamira cyane iterambere ry’igihugu cya Israel. Hafi imyaka 200 Abafilisitiya baranzwe no kurwana cyane n’abisrael ndetse no kubanyaga ubutaka. Abisrael ntibigeze babasha kwigobotora ingabo zikomeye z’Abafilisitiya. Izi ntambara zagize iherezo igihe Samweri nyuma na Dawidi, bashyigikiwe n’Imana, nibo bagerageje kunesha Abafilisitiya (1 Samweri 7:12-14; 2Samweri 5:22-25).

Isezerano rya kera ritwereka ko Abafilisitiya basengaga ibigirwamana bitatu: Ashitaroti, Dagoni, na BaaliZebubi kandi buri kigirwamana cyagiraga ingoro muri buri ntara (Abacam 16:23; 1 Samweri 31:10; 2 Abami 1:2). Ibyanditswe bigaragaza ko ingabo z’abafilisitiya batwaraga ibishushanyo by’imana zabo ku rugamba (2 Samweri 5:21). Ariko kandi, no mubigaragara batinyaga isanduku y’isezerano yo mu bisrael (1 Samweri 5:1-12).

Abafilisitiya bari bazwiho gukora ibisindisha no kubinywa. Mu birori bya Samsoni by’ubukwe, biri mu gitabo cy’abacamanza, hagaragaza ko Abafilisitiya bajyaga bakora ibirori by’iminsi irindwi banywa; ijambo “ubukwe” mu bacamanza 14:10 rituruka mu ryo mu Giheburayo misteh, rigahindurwa “feast” mu rurimi rw’Icyongereza byasobanuraga ibirori by’inzoga cyangwa kunywa.

Abisrael bo bitaga Abafilisitiya abatakebwe (Abacam 15:18; 1 Samweri 14:6; 2 Samweri 1:20), bisobanuye , muri icyo gihe, abantu bagiraga isano hagati yabo n’Imana. Bwari ubwoko butatoranijwe n’Imana kandi bwagombaga kwirindwa nk’ikindi kibi cyose.

Uno munsi, ijambo umufiilistiya risobanura umuntu mubisi cyangwa umunyamahanga ndetse umupagani. Mu gitabo cya Yeremiya 47, hari ubuhanuzi bwerekeye Abafilisitiya k’ubw’umujinya w’Imana wari ubajeho ndetse no kubarimbura. Hanyuma Abafilisitiya baje kwivanga I Canaan. Birangira batakigaragara mu mateka yo muri biblia ndetse no mu mateka muri rusange, ahubwo bahindura izina rishya ryitwa Palestine nk’igihamya ko babayeho.

By:BYIRINGIRO Jean Dominique