MFASHA GUSENGERA ABAZHUANG N’ABAYONGNAN BO MU BUSHINWA.

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wa kabiri tariki ya 08 Kanama 2017 dusengere Abazhuang n’Abayongnan bo mu Bushinwa.
Mu Bushinwa habarirwa abagera kuri 2.006.000, aba bakaba ari abayoboke b’idini Gakondo. Ururimi rukoreshwa Zhuang na Yongnan

Bibiliya n’izindi nyandiko za gikirisitu ntabwo zirashobora kugezwa mu rurimi bakoresha. Radiyo n Televiziyo bya gikirisitu nabyo ntabwo biratangira kuvuga ubutumwa bwiza mu rurimi bakoresha. Zimwe mu nyigisho z’amajwi ariko zo zamaze kugezwa mu ndimi bakoresha.

INZITIZI

Abayongnan ntabwo bemera ibintu by’umwuka ntanubwo babyizereramo kandi abakirisitu imyizerere yabo igendana n’ibintu by’umwuka.

IBYIFUZO BYO GUSENGERA

• Imana ihagurutsa abizera hirya no hino ku isi (cyane cyane baturutse mu matorero yo muri Aziya ) ku bashyira inkuru nziza.
• Umwuka Wera agenderera imitima yabo, kugira ngo bahishurirwe Kristo uwo ari we.
• Ko haboneka Bibiliya ndetse n’imfashanyigisho za Gikristo mu rurimi bavuga.
. Imana ibafashe babone abigisha kugirango babashe kubasobanurira inzira y’agakiza ndetse babone n’ibindi bikoresho bakwifashisha nk’ibitabo n’izindi nyandiko batambutsa ubutumwa bwiza.

IJAMBO RY’UMUNSI

“Ariko se bamwambaza bate bataramwizera? Kandi bamwizera bate bataramwumva? Kandi bakumva bate nta wababwirije? Kandi babwiriza bate batatumwe? Nk’uko byandinditswe ngo “mbega uburyo ibirenge by’abavuga ubutumwa bwiza ari byiza cyane.” ( Abaroma: 10:14-15)

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

[email protected]