MFASHA GUSENGERA ABAYAZIDI BO MURI SUDANI

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wa gatatu tariki ya 17 Gicurasi 2017 dusengere abayazidi , bo muri Sudani.

Abayazisi bari mu bwoko bw’imiryango 19 isangiye imico ikayoborwa n’umuntu umwe witwa Nazir. Ariko buri muryango ukaba ufite aho ukomoka hatandukanye n’uwundi. Abakuramberere babo benshi ni Abarabu. Abenshi muri ubu bwoko ntabwo bazi gusoma no kwandika.

Biracagoye kugeza ubutumwa bwiza ku Bayazidi kubera imico gakondo yahoo bisaba ko umuntu abanza kumenya imico yabo itandukanye ndetse n’idini ya isilamu imaze gushinga imizi muri iki gihugu cya sudani.. Idini yiganje ni isilamu.

INZITIZI KU IVUGABUTUMWA

Kubera imyumvire n’imyizerere ya isilamu imaze gukomera , kuri bo biragoye gushyikira ko habaho kuhageza ubutumwa bwiza mu rurimi bakoresha cyane kuko ururimi bakoresha cyane ni icyarabu.

IBYIFUZO BYO GUSENGERA

  • Imana ihagurutse Abakristo cyane cyane baturuka mu matorero yo muri Afurika bajyane Ubutumwa Bwiza mu Sudani.
  • Kubona abantu bitangira umurimo w’Imana muri Sudani bagafata umwanya bagasengera iki gihugu kugira ngo umucyo W’Imana uhagere.
  • Gusengera ubuyobozi bwa Sudani kugirango bwemere gukingura imiryango yatuma ubutumwa bwiza bugera muri iki gihugu.
  • Gusenga kugira ngo haboneke amatorero afite imbaraga muri ubu bwoko.

IJAMBO RY’UMUNSI

Abaroma: 11:13 “Ariko ndababwira mwebwe abanyamahanga yuko nubahiriza umurimo wanjye kuko ndi intumwa mu banyamahanga.”

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

Tuyishime [email protected]