MFASHA GUSENGERA ABARABU N’ABADOFARI BO MURI OMANI

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wa kane tariki ya 03 Kanama 2017 dusengere Abarabu n’abadofari bo muri Omani.

Muri Omani habarirwa Abarabu n’abadofari abagera ku 113.000, Ababayade nta dini bagira basengeramo. Ururimi bakoresha ni icyarabu cyangwa dhofari.
Bibiliya n’ibindi bitabo bya Gikirisitu ntabwo birahindurwa mu rurimi bumva. Ndetse na Bibiliya y’amajwi ntabwo irahindurwa mu rurimi bakoresha.

INZITIZI

Omani ni igihugu kitarageramo imyizerere ya Gikirisitu bigoyeko umuntu yajyanayo ubutumwa bwiza nta bandi benedata bahari.

IBYIFUZO BYO GUSENGERA

• Imana ihagurutsa abizera hirya no hino ku isi (cyane cyane baturutse mu matorero yo muri Aziya) ku bashyira inkuru nziza.
• Umwuka Wera agenderera imitima yabo, kugira ngo bahishurirwe Kristo uwo ari we.
. Imana ifashe abantu bagezeyo itangazamakuru rya gikirisitu, radiyo, televiziyo n’ibinyamakuru bikorera kuri murandasi bizafasha kugeza ubutumwa kuri benshi kandi bitagize izindi ngaruka mbi.

IJAMBO RY’UMUNSI

“Mwogeze icyubahiro cye mu mahanga imirimo itangaza yakoze muyogeze mu mahanga yose, kuko Uwiteka akomeye, akwiriye gusingizwa cyane kandi ateye ubwoba arusha imana zose.” ( 1 Ingoma: 16:24-25)

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

[email protected]