MFASHA DUSENGERE ABAYAHUDI BO MURI HONGIRIYA

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wagatanu tariki ya 23 kamena 2017 dusengere Abayahudi bo muri Hongiriya (Uburayi).

Abayahudi (Abisirayeli) batangiye kwimukira muri Hongiriya kuva kera cyane, mu gihe Abaroma bari bayoboye igice kinini cy’isi. Baje kugwira ndetse bagera ku bihumbi 900, nyamara uyu mubare waje kugenda ugabanuka. Ahanini bitewe no kwimukira mu bindi bihugu, ndetse na jenoside yabakorwe mu ntambara ya kabiri y’isi. Kuri ubu , muri Hongiriya habarirwa abagera ku 47.000.

Bibiliya yose ndetse n’imfashanyigisho nyinshi za Gikristo zamaze gushyirwa mu rurimi bavuga rw’Uruhongiriya.Gusa umubare w’Abakristo muri bo uracyari hasi cyane.

INZITIZI

Usanga bari mu mwijima mu buryo bw’umwuka wo kudasobanukirwa no kutizera Yesu Kristo uwo ariwe.

IBYIFUZO BYO GUSENGERA

• Kugira ngo bake cyane muri bo bamaze gukizwa bahabwe imbaraga zo guhamya ibya Yesu Kristo muri bene wabo.
• Umwuka Wera agenderera imitima yabo, kugira ngo bahishurirwe Kristo uwo ari we.

IJAMBO RY’UMUNSI

“Kandi nzaha umugisha abakwifuriza umugisha, kandi uzakuvuma nzamuvuma, kandi muri wowe ni mo imiryango yose yo mu isi izaherwa umugisha.”” ( Itangiriro 12: 3)

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

Ange Victor UWIMANA
[email protected]
(+250)788552883/ (+250)725151463