MFASHA DUSENGERE ABASHANYANI BO MU BUSHINWA

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wa mbere tariki ya 01 Gicurasi 2017 dusengere Abashanyani bo mu Bushinwa.

Abashanyani babarizwa mu Bushinwa, ahabarurwa abagera ku 25.000. Aba batuye ahantu hitaruye cyane ku buryo basa n’abari mu bwigunge, dore ko no kugerayo ari ukugenda n’amaguru cyangwa ifarashi. Ibi byatumye mu gihe cy’imyaka 200, batayoboka ubutegetsi bw’abami b’Ubushinwa, mu mwaka w’1910 nibwo abategetsi b’abashinwa batangiye gutanga amabwiriza muri kariya gace.

Abashanyani ni Ababudisiti, nta Bakristo bazwi babarizwa mu bwoko bw’Abashanyani. Nta gitabo na kimwe cya Bibiliya cyangwa izindi mfasha nyigisho za Gikristo byari byahindurwa mu rurimi bavuga; dore ko narwo ubwarwo rutazwi neza.

IBYIFUZO BYO GUSENGERA

• Imana ihagurutsa Abakristo benshi hirya no hino ku isi bakajyana Ubutumwa Bwiza mu Bashanyani.
• Haboneka Bibiliya yuzuye mu rurimi rwabo.
• Umwuka Wera agenderera imitima yabo, kugira ngo bahishurirwe Kristo.

IJAMBO RY’UMUNSI

“kugira ngo amoko yose yo mu isi amenye ko Uwiteka ari we Mana, nta yindi.” (1 Abami 8:60)

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

Ange Victor UWIMANA
[email protected]
(+250)788552883/ (+250)725151463