MFASHA DUSENGERE ABASARUKI BO MURI NEPALI

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wa kabiri tariki ya 02 Gicurasi 2017 dusengere Abasaruki bo muri Nepali.

Abasaruki babarizwa muri Nepali ho ku mugabane wa Aziya, aha hakaba habarurwa abagera ku 362.000. Umwuga wakunze kubaranga ni ukudoda inkweto, muri iki gihe usanga bibanda no kuyindi mirimo ijyanye no gutunganya impu.

Abasaruki benshi ni Ababudisiti, Abakristo bari hasi ya 2% . Bibiliya yose ndetse na zimwe mu mfashanyigisho za Gikristo byamaze gushyirwa mu rurimi bavuga. Usanga buri muryango ufite imana usenga , ariko bakagira n’imana basenga mu rwego rw’imidugudu.

IBYIFUZO BYO GUSENGERA

• Imana ihagurutsa Abakristo benshi hirya no hino ku isi bakajyana Ubutumwa Bwiza mu Basaruki.
• Umwuka Wera agenderera imitima yabo, kugira ngo bahishurirwe Kristo.

IJAMBO RY’UMUNSI

“Ubutumwa bwiza bukwiriye kubanza kumara kwamamazwa mu mahanga yose.” (Mariko 13:10)

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

Ange Victor UWIMANA
[email protected]
(+250)788552883/ (+250)725151463