MFASHA DUSENGERE ABASAMESE BO MURI BUTANI

“Ibisarurwa ni byinshi, ariko abasaruzi ni bake. Nuko rero mwinginge nyir’ibisarurwa, yohereze abasaruzi mu bisarurwa bye.” (Mat.9:37-38)

Mu rwego rwo kwifatanya n’abantu benshi hirya no hino ku isi mu gusengera amoko ataragerwaho n’Ubutumwa Bwiza, mfasha kuri uyu wa mbere tariki ya 08 Gicurasi 2017 dusengere Abasamese bo muri Butani ( muri Aziya).

Hirya no hino ku isi cyane cyane ku mugabane wa Aziya habarurwa Abasamese bagera ku 2.844.000, muri Butani honyine hakaba hari abagera ku 2.000. Benshi muri bo ni Abayisilamu. Bibiliya yose na zimwe mu mfashanyigisho za Gikristo (urugero nka filimi ya Yesu) byamaze gushyirwa mu rurimi bavuga. Guverinoma Ya Butani yamaze igihe kinini itemera ko hari ibikorwa bya Gikristo bibera muri icyo gihugu; nubwo bitagikomeye nka mbere, umudendezo wo kubwiriza yo nturaboneka.

IBYIFUZO BYO GUSENGERA

• Hari Abakristo benshi mu majyaruguru y’uburasirazuba bw’Ubuhinde na Nepali, sengera kugira ngo Imana ibarememo umutwaro wo kujyana Ubutumwa Bwiza mu bwoko bw’Abasamese bo mu gihugu cy’abaturanyi cya Butani.
• Abizera bake barimo guhabwa imbaraga zo guhamiriza bene wabo kandi barindwe itotezwa.
• Umwuka Wera agenderera imitima yabo, kugira ngo bahishurirwe Kristo; ndetse anabatere ishyaka ryo gusoma bibiliya mu rurimi rwabo.

IJAMBO RY’UMUNSI

“ati ’Ni ko byanditswe ko Kristo akwiriye kubabazwa no kuzuka ku munsi wa gatatu. kandi ko kwihana no kubabarirwa ibyaha bikwiriye kubwirwa amahanga yose mu izina rye, bahereye kuri Yerusalemu” (Luka 24:46-47)

Ushobora gusangira aya makuru n’inshuti zawe wifashishije imbuga nkoranyambaga nka www. facebook.com, cyangwa se ubundi buryo bukoroheye, kwigomwa umwanya naho waba ari muto ukazirikana abatarumva Ubutumwa Bwiza mu buryo bw’isengesho ni iby’igiciro cyane mu maso y’Imana. Imana iguhe umugisha!

Ku babasha kumva ururimi rw’Icyongereza mushobora gukurikira gahunda ya buri munsi yo gusengera amoko atarumva Ubutumwa Bwiza kuri http://www.unreachedoftheday.org/ cyangwa http://www.cornerstonenc.org/unreached-of-the-day/

Ange Victor UWIMANA
[email protected]
(+250)788552883/ (+250)725151463